ل ههموو نهخۆشخانێن دهۆكێ رۆژا جیهانیا پهرستاران هاته ساخكرن
ب ههلكهفتا رۆژا 12گولانێ رۆژا جیهانی یا پهرستاران، ل دووڤ پرۆگرامهكی رێڤهبهریا گشتی یا ساخلهمیا پارێزگهها دهۆكێ ل ههموو نهخوشخانهیان ئهڤ رۆژه ساخكر و چهند دیاری ل سهر پهرستاران ژی هاتنه بهلاڤكرن.
د. نزار عصمت، رێڤهبهرێ گشتیێ ساخلهمیا پارێزگهها دهۆكێ دیاركر كو رۆژا جیهانیا پهرستاران پیرۆزیل خوه ههیه و لیژنهكا تایبهت بۆ ساخكرنا وێ رۆژێ هاتیه دانان و گۆت: ژ سالا بۆری وهره ئهم كار د بهرنامهیهكی دا دكهین بۆ باشكرنا ئاستێ زانستی یێ پهرستاران كو پێكهاتیه ژ هنارتنا پهرستارا بو دهرڤهی وهلاتی بو راهێنانێ و گۆت: مهرهما مه ل ڤێرێ ئهوه پهرستار و نوشدار و كارمهندێن دی یێن ساخلهمیێ وهكو تیمهك كاربكهین ژ بۆ خزمهتكرنا نهخۆشان.
رێڤهبهرێ گشتیێ ساخلهمیا پارێزگهها دهۆكێ دیاركر كو د بهرنامێ واندایه نهخوشخانا ئازادی ببیو دهرڤهی ههرێمێ و بۆ ڤێ چهندێ ژی ئهو یێ كار دكهن بۆ هندێ سیستهمێ دهوامێ ل نهخوشخانێ بهێته گوهۆرین و گۆت: دهوام دێ بیته سێ شفت و ههر شفتهك بۆ دهمێ ههشت دهمژمێران دێ كاركهت و بۆ ڤێ چهندێ ئهوان ب پشتهڤانیا ستافێ كارمهندێن ساخلهمیێ ههیه دا بشێن پتر خزمهتێ بكهن.
یوسف حسێن، هاریكارێ رێڤهبهرێ گشتی بو كاروبارێن كارمهندێن ساخلهمیێ دیاركر كو ب ههلكهفتا رۆژا جیهانی یا پهرستاران ل سهرانسهری پارێزگهها دهوكێ چالاكی ئهنجام داینه و گۆت: ل نهخوشخانا تهنگاڤیا یا فێركرنێ نێزیكی 100 پهرستارا هاتنه خهلاتكرن و ل 15 و17 ی ڤێ مههێ دو ئاههنگێن خێزانی دێ هێنه سازكرن ئێك ل دهوكێ یا دی ل زاخۆ.
هاریكارێ رێڤهبهرێ گشتی بۆ كارۆبارێن كارمهندێن ساخلهمیێ دیاركر ژی كو مهرهما سهرهكی ب گرنگیدانێ ب ڤێ تهخێ ئهوه كو بشێین پهرستارێن پێشكهفتی بینینه گۆرێ و گۆتژی: ل سهرانسهری پارێزگهها دهوك مه 1664 ههنه، بهلێ ئهم پێدڤی ب سێ ههتا چوار هزار پهرستاراینه و مه داخواز ژ وهزارهتا ساخلهمیا ههرێمێ كریه بو ڤهكرنا كولیژهكا پهرستاریێ یا ئێڤاریان داكو پتر پێشكهفتن بكهڤیته كارێ پهرستاریێ.
نزار سهعید، بهرپرسێ سهندیكا كارمهندێن ساخلهمیێ ژی دیاركر كو د ههموو دهلیڤهكێ دا ئهو خوه ب خودانێن تهخا پهرستاران دزانن و گۆت: ئهڤ ساله ل پێش سالێن دهربازبووی ئاریشهیێن كارمهندێن ساخلهمیێ كێمتر لێ هاتینه و رێڤهبهریا گشتی ژی پتر خوه لێ دكهته خودان، ژبهركو ل ههموو نهخوشخانهیان هاریكارێن تایبهت بۆ كارۆبارێن كارمهندێن ساخلهمیێ هاتینه دانان.