ساخلهمی و توندوتیژی پرۆتوكولهكێ ل گهل مصرێ ئیمزا دكهن
ژ پێخهمهت پێشڤهبرن و گهشهپێدانا وارێن ساخلهمیێ و نههێلانا توندوتیژیا دژی ژنان، رێڤهبهریا گشتی یا ساخلهمیا پارێزگهها دهۆكێ و رێڤهبهریا دووڤچۆن و نههێلانا توندوتیژیا دژی ژنان ل دهۆكێ پرۆتوكولهك ل گهل سهنتهرێ ئهسكهندیه یێ مصری ئیمزاكر.
د.نزار عصمهت، رێڤهبهرێ گشتیێ ساخلهمیا پارێزگهها دهۆكێ دیاركر كو پرۆتوكول یا تێگههشتنێ بوو دناڤبهرا رێڤهبهریا گشتی یا ساخلهمیا پارێزگهها دهۆكێ و سهنتهرێ ئهسكهندریه یێ ههڤكاری و ساخلهمیا ژنان ل مسرێ و گۆت: ناڤهرۆكا تێگههشتنێ ئهوه كو ئهم بشێین شارهزایێن خوه لێك ب گوهۆرین و مفای ل شیانێن وان بكهین بۆ پێگههشتن و راهێنانا كارمهندێن ساخلهمیێ و ههروهسا بۆ دروستكرنا پیڤهر و ستاندارتێن كو ب ساخلهمیا ژنانڤه گرێدای، ئهڤ رێكهفتنه ژلایێ زانكۆیا نهوروز ڤه بهرههڤی بۆ هاتبوونه كرن و ئهو شیان ههماههنگیێ پهیدابكهن و ئاسنكاری كرن كو ئهم و سهنتهر ههڤدو ببینین و بگههینه ڤێ رێكهفتنێ.
د.محهمهد ئیبراهیم لهعبود، شیرهتكارێ سهنتهرێ ئهسكهندریه یێ ههرێمی یێ پێشڤهبرن و ساخلهمیا ژنان ل مسرێ دیاركر كو ئارمانج ژ ئیمزاكرنا پرۆتوكولێ ئهوبوو مفای ژ شیانێن ههڤدو وهربگرن و پرۆتوكول بۆ دهمهكێ دهستنیشانكری نابیت و بهردهوام دێ مه ههڤكاری ههبن دوارێ ساخلهمی و گهشهپێدانا ژنان دا و نههێلانا توندوتیژیا دژی ژنان و ئهم دێ ههڤكاریێ كهین بۆ پێشكێشكرنا باشترین خزمهتێن ساخلهمیێ بۆ ژنێن پارێزگهها دهۆكێ.