ساخله‌می شرینیێن ب شێوازێ حه‌بك وجگارێ قه‌ده‌غه دكه‌ت
هاتیه بلاڤکرن روژا دوو شه‌مبێ, 27 گولان 2013 - 9:07am
ساخله‌مییا پارێزگه‌ها دهۆكێ هوشداریێ دده‌ته وان دكان و ماركێتێن رادبن ب فروشتنا شرینیێن ب شێوه‌یێ حه‌بك و جگارا دفروشن، دیاركرییه بكارئینانا وان دێ كارتێكرنێ ل ره‌فتار و ره‌وشتێ زارۆیان كه‌ت.
رێڤه‌به‌رییا كارۆبارێن خۆپاراستنا ساخله‌میی ب نڤیساره‌كا فه‌رمی لژنه‌یا بلندا پاراستنا ساخله‌مییا گشتی هایدار دكه‌ت لسه‌ر فورشتنا كه‌رسته‌یێن شرینی یێن ب شێوه‌یێ جگارا و حه‌بكا ل ناڤ بازارێ دهۆكێ و دبێژیت: په‌یدابوونا ڤان جوره شرینیا دێ كارتێكرنێ لسه‌ر ره‌فتار و ره‌وشتێ زارۆیان كه‌ت، هه‌روه‌سا ل پاشه‌رۆژێ ژی دبیت فێری جگاره‌كێشانێ ببن، یان ژی حه‌بكێن ده‌رمانا بخۆت ل شوونا یێن ب شێوه‌یێ شرینیا بخووت و تووشی ئارێشه‌یێن ساخله‌میێ بن.
د ئالیه‌كێ دی یێ ڤێ نڤیسارێ هنارتییه، داخوازێ ژ هه‌موو ئالیێن په‌یوه‌ندیدار كرییه بۆ راكرن و نه‌هێلانا وان كه‌رسته‌یان كو رێك بۆ فروشتنا وان نه‌هێته‌دان و پتر هاریكاربن بۆ قه‌ده‌غه‌كرنا وان و دیاركر، ل خالێن ئیبراهیم خه‌لیل و خالێن زێره‌ڤانیێ ل زالگه‌هێن ناڤخۆ رێك بۆ ڤان جوره كه‌رسته‌یان ناهێته دان.
ئه‌ڤ مالپه‌ره فرێکه
