دو حالهتێن تایا خوین بهربوونێ ل دهڤهرا شێلادزێ هاتنه توماركرن
پشتی ههبوونا گومانێ ل سهر دو كهسان كو تووشی نهخۆشیا تایا خوین بهربوونێ بووینه و ئاگههداریا لایهنێن پهویهندیدار هاته كرن و پشكنین بۆ هاتنه ئهنجامدان، ب ئهنجامژی دهركهتن كو تووشی نهخۆشیا تایا خوین بهربوونێ بووینه و ئهڤه جارا ئێكێ یه پشتی 10 سالان ئهڤ نهخۆشیه ل دهۆكێ دهێته تۆماركرن، ههردو كهس برایێن ئێك بوون و كارێ شڤانیێ دكر و پشتی ههموو پێرابوون ل گهل هاتینه ورگرتن ل نهخۆشخانێ هاتنه دهرخستن.
د. نزار عصمت، رێڤهبهرێ گشتیێ ساخلهمیا پارێزگهها دهوكێ دیاركر ل رۆژا 1/6/2013 دو حالهت هاتنه دیار كرن ل نهخوشخانا ئازادی یا فێركرنێ كو تووشی تایا خوین بهربوونێ بووینه و پشتی ههموو لایهن هاتینه ئاگههدار كرن وهكی رێڤهبهریا كارۆبارێن خوپاراستنێ و ڤیتهرنهری داكو ب دروستی كارێ خوه راببن، پشكنین بۆ هاتنه كرن و پاشان هاتنه رهوانهكرن بۆ تاقیگهها بهغدا كو ژێدهرێ دیاركرنا راستیا ڤێ نهخوشیێ یه و گۆت: ل رۆژا 17/6 دیار بوو كو ئهڤ نهخوشیه یا ل دهف ڤان ههردو كهسان ههیه.
رێڤهبهرێ گشتیێ ساخلهمیا دهۆكێ دیاركر ژی كو ل دهمێ ئهڤ نهخوشیه پهیدادبیت خهلكهك دترسیت و گۆت: مه دڤێت خهلكێ خوه پشتراست بكهین كو نهخۆشی هاتیه كونترولكرن و تیمێن ساخلهمیێ و ڤیتهرنهریێ سهرهدانا وان جها كرینه كو ئهڤ نهخوشیه لێ پهیدابووینه و خوشبهختانه ئهو نهخوش ب سلامهتی ڤهگهریانه دناڤ خێزانێن خوه دا.
د.سیروان محهمهد ئهسوهد، رێڤهبهرێ كاروبارێن خوپاراستنا ساخلهمیێ دیاركر ل دهستپێكێ دهمێ ئهڤ نهخوشیه پهیدابووی وان نهخۆشان سهرهدانا نوشدارهكی كر بوون و حالهتێن وان دهستپێكر كو تایهكا زیده دگهل خوینبهربوونێ ههبوو و خوین ژ دهڤێن وان د هات و گۆت: ههردو تووشیۆی برایێن ئێك بوون ل دهڤهرا شێلادزێ نه.
د.سیروان ئهوژی دیاركر كو ل دهمێ نهخۆش هاتینه نڤاندن ل نهخوشخانا ئازادی یا فێركرنێ تیمێن خوپاراستنا ساخلهمیێ سهرهدانا دهڤهرا ئامێدیێ و شێلادزێ و وان گوندان كرن یێن كو ئهڤ حالهته لێ پهیدابووین و گۆتژی: ههموو پێرابوون هاتنه كرن ژ بۆ خوپاراستنێ ژ ڤێ نهخوشیێ، ژ بهركو نهخوشیهكا مهترسیداره و زوو ب زوو ژ كهسهكی بو ئێكی دی دهێته ڤهگوهاستن ب تایبهتی ههكه پهیوهندیهكا راستهوخو دگهل ئێك دا ههبیت یان د ئێك مال دا بن.
دیاركر ژی كو پشتی ههموو پێرابوون هاتینه وهرگرتن ههردو حالهت زور باش بوون و ژ نهخوشخانێ عاتنه دهرخستن و گۆتژی: یا گرنگ ئهوه ئهم بهردهوام دووفچوونا كهس وكارێن ڤان نهخوشان بكهین ژبهركو دگهل وان دژین و ههموو خهلكێ وێ دهڤهرێ هاتینه ئاگههداركرن كو ههر كهسێ نیشانێن ڤێ نهخوشیێ لێ پهیدابوون ب زووترین دهم سهرهدانا بنگهههكێ ساخلهمیێ بكهت.
د.دیار تهیب، رێڤهبهرێ ڤیتهرنهریا دهۆكێ دیاركر كو پشتی ئهڤ نهخۆشیه پهیدابووی ئهو ژلایێ رێڤهبهریا خۆپاراستنێ ڤه هاتنه ئاگههداركرن و بابهتێن ب ڤی شێوهی ئهو ب ههڤپشكی ل گهل رێڤهبهریا خوپاراستنێ سهرهدهریێ دگهل ئێك دكهن و گۆت: تیمێن مه سهرهدانا وی گوندی كرن و 20كولێن پهزی ههبوون هاتنه رهشاندن ب دهرمانی دگهل 200 چێل و سهرێن پهزی هاتنه شووشتن و چارهسهر كرن و ئهڤ ڤایروسه دهێته ڤهگوهاستن ب رێكا خوینێ و جهێن گهلهك (كرنی) لێ ههبن و تێكهلیا مروڤان دگهل گیانهوهرا پشتی كو سهرهدهری دهێته كرن و مهترسی د وێ چهندێ دایه كو ب رێژا 50% رهنگی كهسێ تووشبوی بكوژیت و لایهنێ وێ مهترسیدار ئهوه كو ڤێ نهخوشیێ ل دهف گیانهوهری چ نیشان نینن و گیانهوهر یێ ساخلهمه.
د.دیار ئهوژی دیاركر كو ل دیروكا پارێزگهها دهوكێ ئهڤ حالهته ههبووینه و جهێ مهترسیێ بووینه ژبهر هندێ ژی بابهتێن رهوشهنبیركرنا خهلكی دا دهمێ سهرهرهدهریا ئاژهلی دكهن پێدڤیه ب رێكێن دروست بهێته كرن و بهردهوام گیانهوهرێن خوه بشوون داكو بهێنه پاراستن ژ ڤێ نهخوشیێ و گۆتژی: سهرێ ڤێ حهفتیێ دێ دووباره سهرهدانا وی گوندی كهینه ڤه بو پاقژكرنا وان جها ژ ڤی ڤایروسی و ئهم دێ بهردهوام بین ژبو دووڤچونا ڤی حالهتی ب ههماههنگی دگهل رێڤهبهریا گشتی یا ساخلهمیا دهوكێ.
د.سیروان محهمهد ئهسوهد دیاركر كو بۆ بابهتێن خوپاراستنێ ژ ههموو نهخوشیێن ڤهگر رێڤهبهریا كاروبارێن خوپاراستنێ بهردهوام پروگرامێن خو یێن ڤاكسیندانێ ل گهل ههوێن هشیاركرنا خهلكی و ژناڤبرنا وان ئهگهرێن دبنه ئهگهرێ بهلاڤبوونا نهخوشێن ڤهگر یان ههر جوره نهخوشیهكا دی بیت ههنه و گۆتژی: ئهڤ نهخوشیه بهری چهندین سالا ههبوویه و رهنگه بهری 10سالان ل دهۆكێ دیسا ل ل دهڤهرا ئامێدیێ هاتبوو توماركرن، لهورا ههر سال ئهم پێرابوونێن پێَدڤی رادبین بۆ خوپاراستن ژ ڤێ نهخوشیێ.