ساخلهمی گرتن و سزادانا 30 جهێن گشتی رادگههینیت
زێرهڤانیا ساخلهمیی ل پارێزگهها دهۆكێ ژ بهر پیساتیێ، گرتن و سزادانا 30 جهێن گشتی دماوهیێ 10 رۆژاندا ل پارێزگهها دهۆكێ راگههاند،
عسمهت سهلمان بهرپرسێ هوبا زێرهڤانیا ساخلهمیێ ل رێڤهبهریا كاروبارێن خوپاراستنێ ساخلهمیێ راگههاند، ژ بهر پیساتیێ و نه پێگیرییان وان ب رێنمایێن ساخلهمیێ 30 جهێن گشتی ژ كافیتێریا، خوارنگههـ، نانپێژی، ماركێت، كارگهه، تهزیاتی و جوانكاری سزاداینه و دائێخستینه، ئاماژهكر16 ژ وان جهان هاتینه گرتن، 14 ژی هاتینه سزادان ب پارهی.
بهرپرسێ هوبا زێرهڤانیا ساخلهمیێ دا زانین ئهگهرێ سزادانا جهێن ناڤهاتی ب گرتن و سزادانا گوژمهكێ پارهی، ژ بهر پیساتیا جهێن وان، نهپێگیرییا رێنمایێن ساخلهمیێ و نهبوونا دهستووریێ بوویه و گۆت:" سهرهدهری لدووڤ قانوونا ساخلهمییا گشتی دگهل وان جهان هاتییه كرن".
ناڤهاتی زێدهتر گۆت:" ل دوماهییا حهفتییا بووری 2 تهنێن دهرمانا ب هاریكاریا هوبا ئابووری یا ئاسایشا شارێ دهۆكێ دگهل ژناڤبرنا 3 تهنێن كهرستهیێن خوارنێ و ڤهخوارنێ ژ ئهرزاق و شریناهییا و ڤهخوارنا ب رييا لیژنهیهكا تایبهت هاتینه ژناڤبرن و دیاركر، دهرمانێن ناڤبری ژ ئالیێ خودانێ كوگهها دهرمانا هاتبوونه رادهستكرن".