نابیت شهربهتا مێویژا ب دهست بهێته چێكرن
ساخلهمیا دهۆكێ رێنمایێن تایبهت بۆ ههیڤا رهمهزانێ دهرخستن
ب ههلكهفتا هاتنا ههیڤا رهمهزانا پیرۆز، رێڤهبهریا كارۆبارێن خوپاراستنێ ل دهۆكێ ژمارهكا رێنمایان ل دۆر سهرهدهریا بازاری دهرخستینه كو سزا دێ بۆ كهسێن پێگیریێ نهكهن هێنه دان.
عسمهت سلێمان، بهرپرسێ زێرهڤانیا ساخلهمیێ دیاركر كو نابیت شهربهتا مێویژا بهێته ئامادهكرن و فرۆتن و گۆت: دروسته شهربهتا رهش یا ب تام و یویاغێن خوراكی ل جهێ وێ بهێته فرۆتن و دڤێت ههمی جهێن تهزیاتیا ئامیرێ پالاوتنێ (تصفیه) یێ ئاڤێ ب قهبارێن مهزن دانن بو جهێن خوه ژ بو پلاوتنا ئاڤێ كو تێرا شووشتنا ئامانا و ئامادهكرنا ههموو جورێن شهربهتا و عهصیرا بكهت.
دیاركر ژی كو دڤێت شهربهت دناڤ سهلاجان دا بهێته ههلگرتن و نابیت لسهر ستێركا و ژدهرڤهی دوكانێ بهێنه دانان و پێدڤیه بتنێ شهربهت بو رۆژهكێ بهێته دروست كرن و ئامادهكرن و نابیت بمینیت بو رۆژا دووێ و ئهگهر ما دڤێت بهێته ژناڤبرن.
بهرپرسێ زێرهڤانیا ساخلهمیێ دیاركر ژی ههكه شرینیێن كارگههێن پارێزگههێن دیتر یێن ژێریا عیراقا فیدرال نههێن باشتره وهك ( بهقلاوه ،زهلابی ، شهربهتا كیسكا) و دهربارهی شرینیان ژی گۆت:نابیت هیچ جوره شرینیهك بهێته ئامادهكرن ل جهێن نه دهستووردای ب تنێ بهێنه ئامادهكرن ل وان جهێن تایبهت كو دهستووریێن ساخلهمیێ ههبن و ئارمێ كارگههێ لسهر ههموو شریناهیان بهێته دانان دگهل بهروارا چێكرنێ و ب سهرڤهچوونێ و نابیت شریناهی بهێنه دانا ژ دهرڤهی وان جهێن لێ دهێنه فروتن.
دیاركر ژی كو ب هیچ رهنگهكی نابیت گوشت بهێته دانا ژدهرڤهی جامخانا و پشتی دهمژمێر (12)ی نیڤرۆ دڤێت گوشت بهێته دانان د ناف تهزیكهران دا و دیسا نابیت ئاژهل بهێنه سهرژێكرن ژ دهرڤهی سهربرخانێ و گۆت: دڤێت ههمی لهشێن ئاژهلی یێن دهێنه فروتن موهرا ڤیتێنهریێ لسهر ههبیت و دیاربیت كو ئهو كهوال دهمێ سهرژێكرنێ یێ ساخلهم بوویه.