شاندی رێڤه‌به‌ریا گشتی یا ساخله‌میا دهوكێ‌ سه‌را ده‌ڤه‌را شێخان كر

ژبو مه‌ره‌ما هایداربون ب ره‌وشا كه‌رتێ‌ ساخله‌میێ‌ و نێزیك ئاگه‌هداربوون ب كێماسی و پێدڤيێن كه‌رتێ‌ شێخان یێ‌ ساخله‌میێ‌ شانده‌ك ب سه‌رپه‌رشتیا      د. نزار عصمت و رێڤه‌به‌رێن پشكا و چه‌ند نوشدارێن شوله‌ژێ‌ سه‌ره‌دانا ده‌ڤه‌را شێخان كرن و كومبون دگه‌ل كه‌رتێ‌ شێخان و چه‌ند ناحيێن (باعه‌درێ‌  - قه‌سروك ) نه‌خوشخانا شێخان یا گشتی كومبونه‌ك دگه‌ل كارگێریێ‌ و نوشدار و كارمه‌ندێن وێ‌ كومبو و گه‌ریانه‌ك دناڤ نه‌خوشخانێدا كر و نێزیك سه‌حكره‌ ئه‌وان خزمه‌تێن دهێن پێشكێشكرن بو خه‌لكێ‌ وێ‌ ده‌ڤه‌رێ‌ .
د. نزار عصمت گوت : مه‌ ل رێڤه‌به‌ریا گشتی ساخله‌میا پارێزگه‌ها دهوك فه‌ر دیت كو ئه‌م سه‌ره‌دانا ڤێ‌ ده‌ڤه‌رێ‌ بكه‌ین و گوهداریا پێدڤيێن وان و گه‌له‌ك نێزیكی مه‌نه‌ و ئه‌ڤه‌ ده‌مه‌كێ‌ زوره‌ چ بو نه‌هاتیه‌كرن ژ لایێ‌ ساخله‌ميێڤه‌ , دانانا پلانه‌كا باش بو پتر پێشئێخستنا خزمه‌تێن ساخله‌میێ‌ , قه‌زا شێخان  ژوان ده‌ڤه‌رێن كوردستنانێ‌ ژ ده‌رڤه‌ی ده‌ستهه‌لاتا كوردستانێ‌ يه له‌ورا هنده‌ك ده‌زگه‌ه  گرێدای ده‌ستهه‌لاتا میسله‌ و هنده‌ك سه‌رب پارێزگه‌ها دهوكێ‌ ڤه‌نه‌ له‌ورا هنده‌ك ئالوزیا چێدكه‌ت لێ‌ سه‌ره‌رای هندێ‌ هه‌ماهه نگیه‌كا باش یا هه‌ی دناڤبه‌را كارگێریا نه‌خوشخانا شێخان و كه‌رتێ‌ شێخان یێ‌ ساخله‌میێ‌ , سه‌باره‌ت نه‌خوشخانا شێخان ته‌كه‌زكر و دبێژیت : كو هه‌ردوو پشكێن پلان دانانێ‌ و ئه‌ندازیاری دگه‌ل مه‌نه‌ بو دانانا ديراسه‌كێ‌ و كا چ پێدڤیه‌ دێ‌ گه‌هینه‌ جهێن په‌یوه‌ندیدار , هه‌وه‌سا گوت : راپورته‌ك ژ كارگیریا پارێزگه‌ها دهوكێ‌ هاتیه‌ كو گرنگى ب ڤێ‌ ده‌ڤه‌رێ‌ بهێته‌كرن و هنده‌ك پاره‌ هاتیه‌ ته‌رخانكرن  . ل دوماهيئ چه‌ند خال هاتینه‌ به‌رچاڤ ژوان خانيێن نوشدارا و گه‌راجه‌ك بو هاتن و چوون و سه‌خبێركرنا ترومبێلا ل نه‌خوشخانا ناڤبری و ئاڤاكرنا چه‌ند بنگه‌هێن ساخله‌میێ‌ یێن باش و دابینكرنا ئیسعاف و ترومبێلێن كاری .