حهفت رێڤهبهریێن دهۆكێ ل دۆر كێمكرنا روودانان كۆمبوون
ل رێڤهبهریا گشتی یا ساخلهمیا پارێزگهها دهۆكێ، نوونهرێن پارێزگهه و قایمقامی و دادگهها دهۆكێ ل گهل نوونهرێن ساخلهمی و پۆلیسێن ههوارهاتنێ و بهرهڤانیا باژێرڤانی و ئاساییشێ كۆمبوون داكو پتر حزمهتێن تهنگاڤیان و ب تایبهت (122) یا ڤێراگههشتنێن دهستپێكێ ئهكتیف ببیت و روودان بهێنه كێمكرن.
ههیسهم عهبدی، بهرپرسێ بنگههێ 122 ل ساخلهمیا پارێزگهها دهۆكێ دیاركر كو ئارمانج ژ ڤێ كۆمبوونێ ههماههنگی و هاریكاری كرن و تێكگههشتن بوو ددهمێ تهنگاڤیان دا و گۆت: پێشنیاز هاته كرن ئهڤ كومبوونه بهردهوام بهێنه كرن داكو ئاریشهیێن خهلكی كێم ببن و سهرهدهریهكا باش ل گهل خهلكی بهێته كرن ل دهمێ روودانان.
دیاركر ژی كو وان خواست ژوورهكا تایبهت ههبیت و دهمێ خهلك پهیوهندیێ ب ههر خزمهتهكا تهنگاڤ دكهن راستهوخو ههموو رێڤهبهریێن پهیوهندیدار بهێنه ئاگههداركرن داكو ههموو خزمهت پێكڤه بهێنه پێشكێشكرن و قۆربانیێن روودانان كێم ببن و گۆت: گهلهك جاران خهلكهك پهیوهندیێ دكهن و پشتی ل وی جهی ئامادهدبین دیاردبیت چو راستی بۆ نینه و خهلك تلفونێن خوه دادئێخن، لهورا پێدڤیه قانوونهك بۆ وێ چهندێ بهێته دانان و ئهو كهس بهێنه سزادان.