چاوانیا كونترۆلكرنا نه‌خۆشیێن ڤه‌گر دناڤ كه‌مپا دومیز دا د وورك شوپه‌كێ‌ دا هاته‌ گه‌نگه‌شه‌كرن

ب مه‌ره‌ما دانانا میكانزمه‌كێ‌ ل دۆر چاوانیا كونترۆلكرنا ڤه‌گرتنا نه‌خۆشیان ل نه‌خۆشخانه‌یان و كه‌مپا دومیز، رێكخراوا ساخله‌میا جیهانی ووركشووپه‌ك گێرا.
د.سیروان محه‌مه‌د ئه‌سوه‌د، رێڤه‌به‌رێ‌ كاروبارێن خوپاراستنێ‌ ل پارێزگه‌ها دهوكێ‌ دیاركر  كو ژمارا په‌نابه‌رێن كوردێن سوریا ل پارێزگه‌ها دهوكێ‌ د زێده‌بوونێ‌ دایه‌ و سه‌ره‌دانا هه‌می كه‌رتێن پارێزگه‌هێ‌ ساخله‌میێ‌ دكه‌ن و گۆت:مه‌ ب فه‌ر زانی كو وورك شوپه‌ك بهێته‌ رێكخستن كا چاوا سه‌ره‌ده‌ریی ل گه‌ل نه‌خوشێن كوردێن روژئاڤا بهێته‌ كرن ژ به‌ر چاره‌سه‌ریا وان ب تنێ‌ ل كه‌مپا دومیز ناهێته‌ كرن وپرانیا وان سه‌ره‌دانێن نه‌خوشخانه‌یێن مه‌ ل پارێزگه‌ها دهوكێ‌ دكه‌ن.
د.سیروان دیاركر ژی كو رێكخراوا ساخله‌میا جیهانی رابوویه‌ ب دانانا ڤێ‌ ووركشووپێ‌ و گۆت: هه‌كه‌ هات و هنده‌ك نه‌خوشیێن ڤه‌گر دناڤ واندا په‌یدا ببن و پشتی كو سه‌ره‌دانا نه‌خوشخانه‌یێن مه‌ دكه‌ن، دێ‌ دیاركه‌ین كا چاوا كونترولا ڤێ‌ نه‌خوشیێ‌ بكه‌ن و چاوا كارمه‌ندێن ساخله‌میێ‌ دێ‌ سه‌ره‌ده‌ریێ‌ دگه‌ل نه‌خوشی و نه‌خۆشیێ‌ كه‌ن داكو ئه‌ڤ نه‌خوشیه‌ به‌لاڤ نه‌بیت.