ساخلهمیا دهۆكێ و زانكۆیا دهۆك پرۆتوكولهك ل گهل زانكۆیهكا تۆركی ئیمزا كر
رێڤهبهریا گشتی یا ساخلهمیا پارێزگهها دهۆكێ و زانكۆیا دهۆكێ پێكڤه پرۆتوكولهك ل گهل زانكۆیا ئهبلیم یا توركی ئیمزا كر كو تێدا هاتیه نوشدار و ستافێ زانكۆیا دهۆك مفایی ژێ وهربگرن.
د.مصلح دهۆكی، سهرۆكێ زانكۆیا دهوكێ دیار كر كو ئهڤ پروتوكوله دێ مفایهكێ مهزن گههینیته زانكۆیێ و رێڤهبهریا گشتی یا ساخلهمیا پارێزگهها دهوكێ كو ماموستا و نوشدارێن دهۆكێ دێ سهرهدانا بۆ نهخوشخانهیێن پێشكهفتی ل وهلاتێ توركیا و زانكویا (بیلیمێر)ل ئیستهمبولێ كهن كو زانكۆیهكا پێشكهفتی یه د بوارێ پزشكی دا و گۆت: قوتابیێن زانكۆیا دهۆك دێ سهرهدانا توركیا كهن و قوتابیێن وان ژی دێ هێنه زانكۆیا دهوكێ و ڤهكولینێن زانستی دناڤبهرا مه و سهنتهرێن وان دێ ههڤبهش بن .
سهروكێ زانكویا دهوكێ دیار كر ژی كو وان پروگرامهك ههیه ل وهزارهتا خواندنا بلندو ڤهكولینێن زانستی كو دبێژنێ (ئێچ سی دی پی )كو ههر قوتابیهكێ ل زانكۆیهكا ههرێما كوردستانێ بیت كو پروژێ دكتورایی ههبیت پێدڤیه دو سهرپهرشتیار ههبن ئێك دناڤ ههرێما كوردستانێ و ئێك ژی ل دهرڤهی وهلاتی لهورا ئهم دێ مفایهكێ مهزن بۆ ڤی پروگرامی ل زانكویا ناڤبری بینین.