ساخلهمیا جیهانی دگهل لیژنا بلندا كونترولكرنا كولێرایی ل دهوكێ كۆمبوو
ب سهرپهرشتی یا ئیسماعیل محهمهد سهروكێ لیژنا بلندا بهرهنگاریا كولێرایێ ل دهوكێ 31/7/2013 رێكخراوا (دهبلیو ئێچ ئو)دگهل لیژنا ناڤبری كۆمبوو .
ئیسماعیل محهمهد دیار كر:ئهڤه كومبوونا دووێ یه لسهر ئاستێ پارێزگههێ دهێته ئهنجام دان و گوت:كارگێریا پارێزگهها دهوكێ ههمی شیان ئێخستینه بهردهست ژ پێخهمهت بهرههنگاریا نهخوشیا كولیرایێ .
ژلایێ خوه ڤه د.كاوه محهمهد ئهمین رێڤهبهرێ پشكا نهڤهگرتنا نهخوشیان ل دور ئامارێن عێراقێ و جیهانێ ئاخفت و گوت: ههر كهسهكێ مه گومان لێ ههبیت كو تووشی نهخوشیا كولێرایێ ههبیت راستهوخو ههمی پێرابوون ژ پشكنین و چارهسهریێ بۆ دهێته كرن و ئهڤ كاره ل ههمی قهزا و ناحیا یێ بهردهوامه.
د كومبوونێ دا دیندار محهمهد سهلیم گوت:راپورتا ئاڤا دهوروبهرێن دهوكێ رێڤهبهریا ژینگههێ ژلایێ ناڤبری ڤه هاته پێشكێش كرن , ل دور ژێدهرێن ئاڤا دهوروبهرا ئاخفت وگوت:نوكه پتریا بیرێن ئاڤێ رێژا وان یا كلوری چ ئاریشه تێدا نینن.
د.شیشن ژ رێكخراوا (دهبلیو ئێچ ئو) دیار كر :مهرهم ژ ڤێ كومبوونێ ئهوه رهوشا كولێرایێ ل دهوكێ بزانین و هندهك دكیومێنتا ل دور چاوانیا دیفچوونا كولێرا و باشتر لێ بكهن و گوت: ورك شوپهك ل نهخوشخانا ئازادی ل دور چاوانیا سهرهدهری كرنێ دگهل نهخوشیا كولێرایێ دهێته ئهنجام دان.