رێڤه‌به‌ریا ساخله‌میا پارێزگه‌ها دهوكێ‌ پلانا خو بو روژێن جه‌ژنا ره‌مه‌زانا پیروز راگه‌هاند

داكو گیانێ‌ خه‌لكێ‌ مه‌ یێ‌ پاراستی بیت و هه‌ر رویدانه‌كا نه‌ چاڤه‌رێ‌ كری تیمێن هه‌وارهاتنا بله‌ز ئاگه‌هدار بن ل سه‌ر ئاریشێن وا یێن گرێدای ب ژیانا وان ڤه‌، رێڤه‌به‌ریا گشتی یا ساخله‌میا دهوكێ‌ پلانا خو بو داموده‌زگه‌هێن راگه‌هاندنێ‌ راگه‌هاند.
حه‌مزه‌ محه‌مه‌د عه‌لی به‌رپرسێ‌ پشكا راگه‌هاندنێ‌ ل رێڤه‌به‌ریا گشتی یا ساخله‌میا پارێزگه‌ها دهوكێ‌ گوت: داكو پتر خزمه‌تا هاولاتیا بهێته‌ كرن ل روژێن جه‌ژنا ره‌مه‌زانا پیروز مه‌ وه‌كو رێڤه‌به‌ریا گشتی یا ساخله‌میا پارێزگه‌ها دهوكێ‌ ده‌ست ب پلانه‌كێ‌ كریه‌ ژ وێ‌ پلانێ‌ نه‌خوشخانێن مه‌ یێن سه‌ره‌كی نه‌خوشخانا زاخو و نه‌خوشخانی ته‌نگاڤیا و نه‌خوشخانا زاروك بونێ‌ و نه‌خوشخانا سوتنێ‌ هه‌روه‌سا نه‌خوشخانا ئازادی ل گه‌ل نه‌خوشخانێن سه‌ره‌كی یێن ئامێدی و ئاكرێ‌ 24 ده‌مژمێرا دێ‌ د خزمه‌ت دا بن، و گوت: ژلایێ‌ چاره‌سه‌ریێ‌ ڤه‌ مه‌ تیمێن چاره‌سه‌ریێ‌ پێك ئیناینه‌ ل گه‌لیێ‌ زاخو و شێخان بو ده‌مێن ته‌نگاڤیا داكو دهه‌وارا نه‌خوشان بچن كو خه‌لكه‌كێ‌ زور دێ‌ قه‌ستا پارێزگه‌ها دهوكێ‌ كه‌ت هه‌می بنگه‌هێن مه‌ یێن سه‌ره‌كی ئه‌وێن دكه‌ڤنه‌ ل سه‌ر جادێن گشتی 24 ده‌مژمێرا دێ‌ د خزمه‌ت دابن، به‌رپرسێ‌ پشكا راگه‌هاندنێ‌ ل رێڤه‌به‌ریا گشتی یا ساخله‌میا پارێزگه‌ها دهوكێ‌ گوتژی: ژ لایێ‌ خوپاراستنا ساخله‌میێ‌ ڤه‌  8 تیمێن زێره‌ڤانیا ساخله‌میێ‌ مه‌ پێك ئیناینه‌، روژانه‌ ب شێوه‌یه‌كی ده‌وری سه‌رادانا هه‌می خوارنگه‌ه كافتریا و ئوتێل و موتێلا كه‌ن و جهێن ته‌زیاتیا ژ بو هندێ‌ داكو چ حاله‌تێن ژه‌هراویبونێ‌ په‌یدا نه‌بن و ئه‌گه‌ر هه‌ر حاله‌ته‌ك په‌یدا بو دێ‌ مه‌ تیمێن تایبه‌ت هه‌بن ژ بو هندێ‌ ب زیترین ده‌م ئه‌و حاله‌ت بهێنه‌ كونترولكرن ،ل دوماهیێ‌ حه‌مزه‌ محه‌مه‌د عه‌لی به‌رپرسێ‌ پشكا راگه‌هاندنێ‌ ل رێڤه‌به‌ریا گشتی یا ساخله‌میا پارێزگه‌ها دهوكێ‌ دیاركر خزمه‌تێن ته‌نگاڤیا و نه‌خوشخانا ته‌نگاڤیا دێ‌ پێشوازیێ‌ ل نه‌خوشان كه‌ت و خه‌لك دشێت په‌یوه‌ندیێ‌ پێ‌ بكه‌ت برێیا ژمارا ته‌له‌فونێ‌ 7225555 هه‌روه‌سا خزمه‌تا 122 به‌رده‌وام دێ‌ دخزمه‌تانه‌خوشان دابیت ل ده‌مێ‌ په‌یدابونا هه‌ر حاله‌ته‌كێ‌ په‌یدا بت، داكو ڤێراگه‌هشتنێن ده‌ستپێكی بو بهێنه‌ كرن تا دگه‌هیننه‌ نه‌خوشخانێن سه‌ره‌كی.