خولهك ل دۆر چاوانیا نههێلانا ڤهگرتنا نهخۆشیان هاته ڤهكرن
دچارچووڤێ بهرنامهكی دا ل گهل رێكخراوا USAID بۆ پێشڤهبرنا بنگههێن چاڤدێریا ساخلهمیا دهستپێكێ، كهرتێ سیمێلێ یێ ساخلهمیێ هاتیه ههلبژارتن بۆ برێڤهبرنێ.
د. خهلیل ئیسماعیل، رێڤهبهرێ كهرتێ سێمێلێ یێ ساخلهمیێ و ههڤكارێ رێڤهبهریا گشتیا ساخلهمیا دهۆكێ ل گهل بهرنامێ ناڤبری دیاركر كو بهرنامه ل كهرتێ سێمێلێ دهستپێكریه و ماوێ وی چار سالن و گۆت: سالێن ئێكێ خولێن راهێنانانه و سالێن ددووڤدا خولێن كادرانه، و پێشڤهبرنا گهلهك تشتێن دی وهك نووژهنكرنا بنگهها و دابینكرنا پێدڤیێن بنگهها و مه بنگههێن سێمێلی و خانكێ كرینه بنگههێن نموونهی و گهلهك پێدڤی بۆ هاتینه دابینكرن دا كارێ خوه باشتر ب رێڤهببهن.
د.خهلیل دیاركر ژی نوكه وان دهست ب خولێن كونترولكرنا نهخوشیێن ڤهگر و تافیلكرنا جهێن تایبهت ل نهخوشخانا و بنگههێن ساخلهمیێ بۆ نههێلانا ڤهگرتنا نهخۆشیا كریه و گۆت: مه ل بهره ئهم نههێلێن نهخۆشی بۆ نهخۆشان و ژ كهسێن سهرهدانا بنگههان دكهن یان ل جهێ نشتهرگهریا ژ ئێكی بو ئێكێ دی بهێنه ڤهگوهاستن، دیسا بهرمایكێن نهخۆشخانا و بنگهها نه وهك بهرمایكێن مالا نه، دڤێت سهرهدهریهكا تایبهت دگهلدا بهێته كرن هندهك تشت دهێنه سۆتن و هندهك دهێنه تافیلكرن پاش دهێنه هاڤێتن و ژ ناڤبرن.
ههروهسا دیاركر كو كار ب ڤی بهرنامهی ل كهرتێ سێمێلی هاتیه كرن وههكه ئهنجامێن باش ئینان ل بهره ل كهرتێن دیتر ژی بهێته بجهئینان.