چار رێڤەبەری ھەولا نەھێلانا توندوتێژیێ ل کەمپا دومیز دکەن
ژ بۆ کێمکرن و نەھێلانا توندوتیژیێ ل ناڤ ئاوارەیێن کەمپا دومیز، کارمەندێن چار رێڤەبەریان ل سەنتەرێ ساخلەمیا دەروونی ل دھۆکێ دێ پشکداریێ د وورکشوپەکێ دا کەن ژبۆ نەھێلانا توندوتیژیا ل سەر بنەمایێ جێندەری.
د.نەسرین حەمە رەش، ژ رێڤەبەریا کارۆبارێن خوپاراستنێ دیارکر کو ب ھەڤکاریا رێکخراوا رەڤەندێن ساخلەمیا جیھانی ئەڤ وورکشۆپە بۆ دەمێ چار رۆژان دێ ڤەکێشیت و گۆت: کار دێ ھێتە کرن بۆ نەھێلانا تۆندوتیژیا لسەر بنەمایێ جەندەری و مافێن مروڤی و مە دڤێت ئاستێ ھشیاری و رەوشەنبیریا ساخلەمیێ ل ناڤ ئاوارەین کوردستانا روژئاڤا ئەوێن ل کەمپا دومیز ئاکنجی بووین بلند بکەین.
دیارکر ژی کو کارمەندێن ھەر چار رێڤەبەریێن ئاسایش و پۆلیس و ئافرەت و ساخلەمیێ تێدا پشکدارن و گۆتژی:رێکێن کێمکرنا تۆندوتیژیا دژی ئافرەتێ دێ ھێنە شروڤەکرن، ژبەرکو پێدڤیە ھەموو لایەن پێکڤە پشکداربن و گۆتژی: ئەوا دھێتە کرن خوە بەرھەڤکرنە بو دەراڤێن بەرتەنگ و چاوانیا رێگرتن ژ توندوتیژیێ.