وه‌زیرێ ساخله‌میێ دێ نوشدارێن تایبه‌تمه‌ند ژی ئێخینه د خزمه‌تا ئاوه‌ره‌یێن رۆژئاڤا دا
هاتیه بلاڤکرن روژا سێ شه‌مبێ, 20 ته‌باخ 2013 - 12:58pm
وه‌زیرێ ساخله‌میێ ل حكوومه‌تا هه‌رێما كوردستانێ، دوهی كلینیكا به‌هدینان یا راوێژكاری ل دهۆكێ ڤه‌كر و دیاركر كو ڤه‌كرنا ڤان جوره كلینیكان دێ گه‌له‌ك خزمه‌تا وه‌لاتیان كه‌ت دبیاڤێ خزمه‌تگوزاریێن ساخله‌میێ دا و گۆت: هه‌موو نوشدارێن ل ڤان كلینیكان كاردكه‌ن د تایبه‌تمه‌ندن و ب بهایه‌كێ ئه‌رزان چاره‌سه‌ریا نه‌خۆشان دهێته كرن و دیسا 50% ژ بهایێ ده‌رمانان ژلایێ حكوومه‌تێ دهێته دابینكرن و ئه‌ڤ كلینیكه رۆژانه بۆ ده‌مێ چار ده‌ژمێرێن ئێڤاریان خزمه‌ت لێ دهێنه پێشكێشكرن.
هه‌روه‌سا مزگینی دا كو دو كلینیكێن دیتر ل سێمێلێ و زاخۆ ل نێزیك دێ هێنه ڤه‌كرن و كه‌ڤنه دخزمه‌تا وه‌لاتیێن هه‌ردو قه‌زایان دا.
دیاركر ژی كو مه‌ره‌م ژ سه‌ره‌دانا شاندێ ساخله‌میێ دێ سه‌ره‌دانا كه‌رتێ شێخان یێ ساخله‌میێ كه‌ت بۆ پتر سه‌رهلبوونا ره‌وشا ساخله‌میێ و دیسا دێ سه‌ره‌دانا كه‌مپا دومیز كه‌ت و گۆت: ل دووڤ پلانا وه‌زاره‌تا ساخله‌میێ یا حكوومه‌تا هه‌رێما كوردستانێ هه‌موو خزمه‌تكاری بۆ ئاواره يان دهێنه پێشكێشكرن هه‌ر ژ هاتنا وان ل سه‌ر سنوری و هه‌تا ئاكنجیبوونا وان و هه‌موو ده‌رمان و پێدڤیێن پزیشكی و ستافێ ساخله‌میێ د خزمه‌تا واندا دكه‌ڤنه كاری و ل دوڤ به‌رنامه‌كی دێ نوشدارێن تایبه‌تمه‌ند دوارێن جودا جودا ئێخینه دخزمه‌تا وان دا.
| هەڤپێج | الحجم |
|---|---|
| resized_DSC_1535.jpg | 317.46 كيلوبايت |
ئه‌ڤ مالپه‌ره فرێکه
