پشتی سیه سالا پروژه‌كێ‌ نوو ل كارگێریا نه‌خوشخانا ئازادی دێ‌ هێته‌ بجهئینان

رێڤه‌به‌رێ‌ نه‌خۆشخانا ئازادی یا فێركرنێ‌ دیاركر كو پشتی سه‌ره‌دانا وه‌لاتێ‌ یابانێ‌ كری، پروژه‌یه‌كی نوو دوارێ‌ كارگێریێ‌ دا ئاماده‌كریه‌ و ل به‌ره‌ ل سه‌رێ‌ سالا نوو بهێته‌ بجهئینان.
د.ئه‌فراسیاب موسا، رێڤه‌به‌رێ‌ نه‌خشخانا ئازادی دیاركر ژیێ‌ نه‌خۆشخانا ئازادی 30 سالن و هێشتا هنده‌ك كه‌ل و په‌ل یێن وی سه‌رده‌می تێدانه‌ و ره‌نگه‌ گه‌له‌ك یێن ژ كاركه‌فتین و پێدڤیه‌ گوهۆرین دسیسته‌مێ‌ نه‌خوشخانێ‌ دا بهێته‌ كرن و گۆت: ل ده‌ستپێكا سالا بهێت مه‌ پرۆژه‌ك ل دووڤ سیسته‌مێ‌ نه‌خوشخانێن یابانی دانایه‌ كو دێ‌ هه‌موو پێكهاتێن نه‌خۆشخانێ‌ ژ ده‌رمان و پێدڤیێن نوژداری و نشته‌رگه‌ریان و ستافێ‌ كاری و سیسته‌مێ‌ كارگێریێ‌ ب خوه‌ڤه‌گریت.
رێڤه‌به‌رێ‌ نه‌خۆشخانا ئازادی دیاركر ژی كو كاودانێن كاری دێ‌ پتر هێنه‌ خوشكرن و ئه‌و كه‌سێ‌ تێدا كاربكه‌ت دا ماندی نه‌بیت و نه‌خۆشیا خوه‌ ژێ‌ نه‌بینیت و گۆتژی: ده‌مێ‌ ئه‌ڤ چه‌نده‌ په‌یدابوو جورێ‌ خزمه‌تێن دهێنه‌ پێشكێشكرن دێ‌ بلندتر لێ‌ هێن و ئه‌ڤ چه‌نده‌ دێ‌ هێته‌ كرن پشتی هه‌موو پێدڤی دهێنه‌ دابینكرن و كه‌ل و په‌لێن زێده‌ دهێنه‌ راكرن و نه‌خۆش ژی ئارامیێ‌ وه‌ربگرن و دئارام بن.
د.ئه‌فراسیاب موسا دیاركر كو وی پرۆژه‌ د كومبۆنه‌كێ‌ دا ئاراسته‌ی رێڤه‌به‌ریا گشتی یا ساخله‌میا پارێزگه‌ها دهۆكێ‌ و ستافێ‌ نه‌خۆشخانێ‌ كریه‌ و گۆت: ل نێزیك هه‌موو دێ‌ بووچۆنێن خوه‌ ل سه‌ر دیاركه‌ن و مه‌ ل به‌ره‌ ل ده‌ستپێكا سالا بهێت گورانكاریان د سیسته‌مێ‌ برێڤه‌برن و كارگێریا نه‌خۆشخانێ‌ دا په‌یدابكه‌ین.