رامالینه‌ك بۆ ده‌ستنیشانكرنا نه‌خۆشیان ل كه‌مپا دومیز دێ هێته ئه‌نجامدان
هاتیه بلاڤکرن روژا دوو شه‌مبێ, 26 ته‌باخ 2013 - 2:36pm
ب سه‌رپه‌رشتیا رێكخراوا CDC یا ئه‌مریكی، رێڤه‌به‌ریا گشتی یا ساخله‌میا پارێزگه‌ها دهۆكێ دێ ده‌ست ب رامالینه‌كێ كه‌ت بۆ ده‌ستنیشانكرنا نه‌خۆشی و پێدڤیێن ئاواره‌یێن كوردستانا رۆژئاڤا ل كه‌مپا دومیز.
د .جیسی، ئیك ژ سه‌رپه‌رشتكارێن رامالینێ دیاركر كو كو ئارمانج ژ رامالینێ دیاركرنا پێدڤیێن ساخله‌میێ یه و گۆت: پشتی كه‌مپا دومیز ب دووماهی دئینین دێ هه‌ول ده‌ین هه‌ر وه‌كو وێ ل كه‌مپێن توركیا و لبنان و ئوردن ژی ئه‌نجام ده‌ین، داكو ئه‌نجامان وه‌كهه‌ڤ رابگه‌هنین.
د.كه‌هی ئامێدی، وه‌ك چاڤدێر د رامالینا ناڤبری دا دیاركر كو ئه‌ڤ ڕامالینه دێ ئاكنجیێن ده‌وروبه‌رێن كه‌مپێ ژی ڤه‌گریت، چونكو نه‌دووره نه‌خۆشی ژ كه‌مپێ بۆ وانژی بهێنه ڤه‌گوهاستن و گۆت: پشتی رامالینێ بڕیار دێ هێته دان كا ب چ شێوه خزمه‌تێن ساخله‌میێ بهێنه به‌رفره‌هكرن و باشتركرن.
ئه‌ڤ مالپه‌ره فرێکه
