كار د به‌لاڤكرنا مافێن نه‌خوشان دا دهێته كرن
هاتیه بلاڤکرن روژا ئه‌ینی, 30 ته‌باخ 2013 - 9:33am
ژ بو به‌رچاڤكرن و به‌لاڤكرنا مافێن نه‌خۆشان دناڤ ده‌زگه‌هێن ساخله‌میێ دا، رێكخراوا USAID ب هه‌ڤكاری ل گه‌ل رێڤه‌به‌ریا گشتی یا ساخلومیا دهوكێ ده‌ست ب پروگرامه‌كی كر.
د وركشوپه‌كێ دا ئیسماعیل محه‌مه‌د ئه‌حمه‌د، نوونه‌رێ پارێزگه‌ها دهوكێ، خواست كو پێدڤیه ئه‌ڤ پلانه ژ وارێ تیوری بهێته د وارێ بجهئینانێ دا.
د.سه‌روه‌ر صادق، نوونه‌رێ رێڤه‌به‌ریا گشتی یا ساخله‌میا دهوكێ دیاركر كو دۆرێن ساله‌كێ یه كار د ده‌سنیشانكرنا ماف و ئه‌ركێن نه‌خۆشی دا دهێته‌كرن و گۆت: پشتی ژلایێ ژماره‌كا بسپوران هاتیه دیاركرن، بۆ په‌رله‌مانی هاتینه هنارتن و ل ژڤانێ نه ببیته قانوون و گرنگی ژێرا بهێته دان.
مزعل حاتم، ئێك ژ سه‌رپه‌رشتیارێن پروژه‌ی ل گه‌ل رێكخراوا USAID دیاركر كو یا بزه‌حمه‌ته ئارمانجێن ساخله‌میێ بهێنه بجهئینان هه‌كه ب پشته‌ڤانیا لایه‌نێن سیاسی و كه‌سانێن خودانێن بریارێ نه‌بیت و گوت: مافێ نه‌خوشان پێكهاتیه ژ مافێ زانینێ و پاراستنا نهێنیا و مافێ ده‌ستنیشانكرنا نوشداری بو چاره‌سه‌ریێ و گوهارتنا وی ل ده‌مێ پێتڤی و مافێ ب ده‌ستڤه‌ئینانا چاره‌سه‌ریێ ب هه‌می ره‌نگان هه‌یه و گوتژی: هه‌ر نه‌خوشخانه‌كا مافێن نه‌خوشی بجه نه‌ئینت ژ لایێ نه‌ته‌وێن ئێكگرتی ڤه باوه‌رناما پالپشتیێ بو ناهێته دان و دیاركر ژی كو راسته پرانیا ڤان مافان دكه‌ڤنن به‌لێ هه‌تا نوكه نه‌خوشان پێزانین ل سه‌رنینن و دڤێت ب هه‌موو رێكان بگه‌هینه نه‌خوشان.
ئه‌ڤ مالپه‌ره فرێکه
