ئێك ژ باشترین ئامیرێن لێزهرێ ل نهخۆشخانا چاڤا ل دهۆكێ دێ كهڤیته كاری
ل نهخۆشخانا دهۆك یا چاڤا دێ ئێك ژ باشترین ئامیره بۆ نیشتهرگهریێن چاڤان ب رێكا لێزهری ل چهند روژێن داهاتی كهڤیته كاری، كو ئهڤ ئامیره ل كێم وهلاتان ل نهخوشخانهیێن گشتی ههیه، ژبهركو ئهڤ ئامیره ل نهخوشخانهیێن تایبهت ب بهایهكێ گران نشتهرگهری بۆ نهخۆشێن چاڤا ب رێكا ڤی ئامیرێ پێشكهفتی دهێنه كرن.
د.مهعصوم مستهفا حهسهن، ،تایبهتمهندێ چاڤا بو روژناما ئهڤرو دیاركر كو ئێك ژ باشترین ئامیرێن لێزهری بۆچاڤا ل دهوكێ دێ كهڤیته كاری و نها ئهندانیازهكێ تورك هندهك كاران لسهر دكهن داكو ئاماده بیت بۆ ئهنجامدانا نشهرگهریێن چاڤا ب رێكا لێزهری ل چهند روژێن بهێت كار لسهر دهێته كرن.ودیار كر ژی كو بهری نها ئهڤ ئامیره ل ههڤلێر و سلیمانی ههبویه نوكه ئهڤ ئامیرێ لێزهری ل نهخوشخانا دهوك یا چاڤا ههیه ئهڤه تشتهكێ باشه ژبهر كو ئامیرێن هوسا پێشكهفتی ل كێم وهلاتێن جیهانێ ل نهخوشخانێن حكوومی ههنه و پرانیا وان ل نهخوشخانێن تایبهتن و بهایێ گران نشتهرگهریان ب رێكا لێزهری بۆ چاڤان ئهنجام ددهن.
د.مهعصوم مستهفا دیاركر ژی كو ئهڤه ئێكه ژ گرانترین ئامیران و نشتهرگهریێن وێ ژی گهلهك ب بهانه ئهگهر ل نهخوشخانێن تایبهت بهێنه كرن، ئهڤ لێزهره دهێته بكارئینان بۆ وان نهخوشان ئهوێن بهرچافكا یان عهدهسه لسهرچاڤی ب كاردئینن، لهورا ئهم ڤێ نشتهرگهریێ دكهین داكو ڤان ههردویان ب كارنهئینن بۆ ئهوان نهخۆشێن دووربینی یان نێزی بینی یان ئهستكماتیزم یان لاوازیا چاڤی ئهوا پهیوهندی ب ژیێ مرۆڤی ههی داكو بهرچافكا بكار نهئینن .
ناڤبری دیار كر ژی كو پێدڤی یه ژیێ نهخوشی ژ ههژده سالان پتر بیت و لاوازیا چاڤێ وی ژ دو پلهیا زێدهتر ببیت، بهری نشتهرگهری بۆ نهخۆشی بهێته كرن ئهم ههمی پشكنینا بو دكهین وهكی (رهشكا چاڤی، عهدهسا چاڤی، شیشا چاڤی و تورا چاڤی و دهمارێن چاڤی و زهختا چاڤی ) دگهل وێ چهندێ كا چهند پلهیا چاڤێ وی یا لاوازه پاشان دێ بریار ل سهردهین كا دێ نشتهرگهریا لێزهری بۆ دهێته كرن بهری نشتهرگهریا پشكنینهكا گهلهك گرنگ بۆ دهێته كرن كو دبێژنێ (توبوگرافی) ئهم دێ زانین كا رهشكا چاڤێ وی چهند یا ستووره كا دێ خوه ل بهر نشتهرگهریێ گریت، ژبهركو رهشكا چاڤی دهێته رهنین ب رێكا ئامیرێ لێزهری كو چاڤ جارهكا دی نورمال ببیتهڤه، ئهڤ نشتهرگهریه ب بهنجكرنا چاڤی ب تنێ دهێته ئهنجام دان .