دهوام ل نهخوشخانا چاڤان دێ بیته 24 دهمژمێری
نهخوشخانا چاڤان ل دهوكێ دپرێس كونفرانسهكێ رۆژنامهڤانی دا ل رۆژا 5/9/2013 دیاركر كو نهخوشخانا وان 24 دهمژمێران دێ كاردكهت ، ل رۆژێن ئهینی و بێهنڤهدان ژی ئهو چارهسهریا ههموو نهخوشان دكهن یێن تووشی ههر روودانهكێ دبن، دیاركر ژی كو ههموو ئامیره و دگهل یێن نشتهرگهیێ كهتینه كاری و دیسا لێزهرا چاڤان ژی دێ كاركهت.
د.محهمهد سالح حهمید، رێڤهبهرێ نهخوشخانا چاڤان ل دهوكێ دیاركر كو نهخوشخانا چاڤان ل دهوكێ ب شێوهیهكێ فهرمی 12/6/2013 ژ لایێ حكوومهتا ههرێما كوردستانێ ڤه هاته ڤهكرن، دیسان 1/7/2013 ستافێ نهخوشخانا چاڤان ب رهزامهندیا رێڤهبهریا گشتی یا ساخلهمیا دهوكێ بریاردا نهخوشخانه 24 دهمژمێران بكهڤیته كاری و گۆت: ب تنێ ل رۆژێن ئهینی نهبیت، ل دهمژمێر ههشتی سپێدێ ههتا دووی نیڤرۆ یا ڤهكریه، و ههموو ستافێ نهخوشخانێ و دگهل نوژدارێن تایبهتمهند ههموو نهخوشان دبینن، بهلێ پشتی نیڤرو ههتا رۆژا دی ههروهسان ل رۆژێن ئهینی و رۆژێن بێنهڤهدان دگهل رۆژێن نورمال، ئهم ههموو نهخوشان دبینن ئهوێن تووشی روودانا چاڤی دبن، تایبهت ئهوێن تووشی لازوریا تهنگاڤ، چ جورێ چارهسهریێ بیت یا پێدڤی بوو دهێتهكرن.
د.مهعصوم مستهفا حهسهن، تایبهتمهندێ نهخۆشیێن چاڤان سهبارهت وان ئامیرێن ل نهخوشخانا چاڤان ههین دیاركر كو پتریا ئامیران دئامادهنه و كهتینه كاری ل نهخوشخانا چاڤان ل دهوكێ، و گوت: وهكو ئامیرێن پشكنینا و تورا چاڤان دیسان دهمارێن چاڤی ههنه، دگهل هندێ ژی ئامیرێن نشتهرگهریێ ههموو كهتینه كاری وهكو ئامیرێن فاكۆیێ ههروهسان ههلگرتنا ئاڤا سپی و ئاڤا رهش، دیسان خوش بهختانه ئامیرێ لهیزیك ل نێزیك دێ كهڤیته كاری بو ئهنجامدانا نشتهگهریێن لێزهرێن ل نهخوشخانا مه.