هه‌موو رۆژان به‌لگه‌نامه‌یێن ژدایكبوونێ‌ ل نه‌خۆشخانا زارۆبوونێ‌ دێ‌ هێنه‌ چێكرن

نه‌خۆشخانا ئافره‌ت و زارۆبوونێ‌ ل دهۆكێ‌ راگه‌هاند كو ئه‌و ل هه‌موو رۆژان دێ‌ به‌لگه‌نامه‌یێن ژدایكبوونێ‌ بۆ زارۆیان ده‌رئێخن و دیسان رۆژانه‌ ڤاكسین ژی بۆ زارۆیان دێ‌ هێنه‌ دانان.
د.چنار مسته‌فا ئامێدی دیاركر ژبه‌ركو گه‌له‌ك كه‌س رۆژانه‌ ژ دوور دهێن و شیان نینن ب تنێ‌ رۆژێن ئێكشه‌مبی و چارشه‌مبی قه‌ستا نه‌خۆشخانێ‌ بكه‌ن بۆ ده‌رئینانا به‌لگه‌ناما زارۆبوونێ‌ ل نه‌خوشخانێ‌، له‌ورا وان بڕیار دایه‌ رۆژان ل گه‌ل ده‌واما فه‌رمی یا نه‌خۆشخانێ‌ ڤی كاری ئه‌نجام بده‌ن و گۆت: هه‌ر ژنه‌كا زارۆ ل نه‌خوشخانێ‌ په‌یداببیت دێ‌ شێت ئێكسه‌ر پشتی زارۆبوونێ‌ به‌لگه‌نامێ‌ ب ده‌ستخو ئێخبت.
د.چنار مسته‌فا دیاركر ژی كو هنده‌ك ڤاكسین هه‌نه‌ دشیاندایه‌ پشتی زارۆبوونێ‌ راسته‌وخو بۆ زارۆكی بهێنه‌ دانان و گۆت: به‌ری نوكه‌ دیسا حه‌فتیێ‌ دو رۆژان ئه‌و ڤاكسین دهاتنه‌ دانان، به‌لێ‌ نوكه‌ مه‌ بڕیار دایه‌ رۆژانه‌ بهێنه‌ دانان وه‌كو بارسڤكیه‌ك بۆ ژنان كو به‌ری قه‌ستا مال بكه‌ن هه‌موو كارۆبارێن ساخله‌میێ‌ یێ، په‌یوه‌ندی ب زارۆكی ڤه‌ هه‌ین ب دووماهی بینن و پێدڤی نه‌خوشخانێ‌ نه‌بنه‌ڤه‌.