چهند نشتهرگهریێن ب زهحمهت یێن دلی ل دهۆكێ هاتنه ئهنجامدان
د. نزار عسمهت، رێڤهبهرێ گشتی یێ ساخلهمیا پارێزگهها دهوكێ دیاركر كو ل سهنتهرێ ئازادی یێ دلی شاندهكێ وهلاتێ نهمسا ئامادهبووینه ژ بو ئهنجامدانا چهندین نشتهرگهریێن دلی ل سهنتهرێ ناڤبری ل دهوكێ و گۆت: چار نشتهرگهری هاتینه كرن و ئهنجامێن وێ زۆر دباشبوون.
دیاركر ژی كو سهرهرای ئهنجامدانا سێ نشتهرگهری ژوان گهلهك ب زهحمهت بوون، لێ ئهنجامێن باش ب دهستڤههاتینه و گۆتژی: ئهڤ سهرهدانه دچارچووڤێ گرَیبهستا رێڤهبهریا گشتی یا ساخلهمیا پارێزگهها دهوكێ دگهل ساخلهمیا ساز بورگ یا نهمساوی یه كو ل سالا بوری ئهڤ رێككهفتنامه هاتبوو ئیمزاكرن و ههولێَن رێڤهبهریا گشتی ئهوه كو گهلهك پهیوهندیان چێكهت دگهل جیهانێ ب تایبهت ئهمریكا و ئهوروپا و ببنه جهێ لێك گوهۆرینا شارهزایێ، ئهو تشتێ ئهم نهشێین بكهین ئهو هاریكاریا مهبكهن.
پروفیسور زاید بێلگهر گۆت: پشتی مه گرێبهست ئیمزاكرین، ئهم هاتینه دهوكێ داكو ژ نێزیك بزانین دبوارێ نوشداریێ دا چ پێدڤیاتی ههنه وداكو ژلایێ ساخلهمیا ساز بورگ ڤه بهێن و هاریكاریا وان بكهن.