تاقیگه‌هه‌كا مه‌زن ل نه‌خۆشخانا هیڤی یا زارۆیان هاته ڤه‌كرن
هاتیه بلاڤکرن روژا پێنج شه‌مبێ, 12 ئه‌یلول 2013 - 11:53am
تاقیگه‌ها نوو ل نه‌خوشخانا هیڤی یا زارۆیان دوهی 11/9/2013 ب ئاماده‌بوونا قایمقامێ قه‌زا دهوكێ و رێڤه‌به‌رێ گشتی یێ ساخله‌میا پارێزگه‌ها دهوكێ هاته ڤه‌كرن كو بۆ ده‌مێ 24 ده‌مژمێران دێ یا ڤه‌كری بیت و ب ئامیرێن پێشكه‌فتی دێ هه‌موو پشكنینێن پێدڤی بو زارۆیێن پارێزگه‌ها دهوكێ هێنه‌كرن.
د. عه‌دنان ئه‌نوه‌ر، تایبه‌تمه‌ندێ نه‌خوشێن خوینێ و به‌رپرسێ پشكا تاقیگه‌هێ ل نه‌خوشخانا هیڤی یا زارۆیان دیاركر كو ئه‌ڤ تاقیگه‌هه ژ هه‌موو پشكێن پێدڤی پێك دهێت، وگوت: نوكه مه تاقیگه‌هه‌كا وه‌ختی یا نوبه‌دار هه‌یه كو پشتی ده‌واما فه‌رمی و دیسان 24ده‌مژمێران ئه‌ڤ تاقیگه‌هه دێ یا ڤه‌كری بیت هه‌تا رۆژێن بێهنڤه‌دانێ ژی هه‌موو پشكنینێن پێدڤی بو زارۆیێن پارێزگه‌ها دهوكێ دێ هێنه‌كرن.
دیاركر ژی كو ئه‌و ئاڤاهیێ هاتیه به‌رفره‌هكرن نێزیكی 35 كارمه‌ندا تێدا كاردكه‌ن كو تایبه‌تمه‌ندن و هه‌ر ئێك ل یه‌كا خوه كاردكه‌ت و ئامیرێن گه‌له‌ك باش بۆ هاتینه و دیسان گه‌له‌ك یه‌كه‌یێن نوو بۆ هاتینه‌ڤه‌كرن.
د. نزار به‌كر، رێڤه‌به‌رێ نه‌خوشخانا هیڤی یا زارۆیان دیاركر كو ئه‌ڤ تاقیگه‌هه ل سه‌ر بۆدجا پارێزگه‌ها دهوكێ هاتیه چێكرن و نێزیكی ملیار دیناران لێ هاتیه مه‌زاختن و گۆت: تاقیگه‌ه ژ دو قاتان پێك دهێت، یێ ئێكێ هه‌موو تاقیكرنێن گرنگ بو نه‌خوشان دهێنه كرن، هه‌روه‌سان قاتێ دووێ پێك دهێت ژ مالێن نوشدارێن نشته‌جێ خولا و نودارێ تایبه‌تمه‌ند، چونكو به‌ری هینگێ ده‌مێ د بوونه نوبه‌دار ئه‌ڤ نوشداره دا چنه نه‌خوشخانا ئازادی یان جهه‌كێ دی، به‌لێ نوكه جه بو وان هاتیه چێكرن ، و 24 ده‌مژمێرا ئه‌ڤ تاقیگه‌هه دێ خزمه‌تا نه‌خۆشان كه‌ت.
ئه‌ڤ مالپه‌ره فرێکه
