تیمێ‌ هه‌وار هاتنا (122) ل شێلادزێ‌ هاته‌ دانان

د به‌رده‌وامیا پێشكێش كرنا خزمه‌تێن ساخله‌میێ‌ دوهی ب به‌رهه‌ڤ بوونا چه‌ندین رێڤه‌به‌رێن میری و حكومی ب هه‌ڤكاریا رێڤه‌به‌ریا ساخله‌میا پارێزگه‌ها دهوكێ‌ دگه‌ل رێڤه‌به‌ریا ساخله‌میا ئامێدیێ‌ تێمێ‌ هه‌وار هاتنا بله‌ز كو دبێژنێ‌ (122)  ل بنگه‌هێ‌ ساخله‌میا شێلادزێ‌ دهێته‌ دانان دێ‌ خزمه‌تا خه‌لكێ‌ ده‌ڤه‌را ئامێدیێ‌ كه‌ت
 د.عه‌بدولا جاسم رێكانی ، نوونه‌رێ‌ رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ دیار كر: د به‌رده‌وامیا پێشكێشكرنا خزمه‌تێن ساخله‌میێ‌ بۆ خه‌لكێ‌ پارێزگه‌ها دهوكێ‌ و خه‌لكێ‌ ده‌ڤه‌را ئامێدیێ‌ ب شێوه‌كێ‌ تایبه‌ت ب هه‌ڤكاری دگه‌ل رێڤه‌به‌ریا گشتی ساخله‌میا پارێزگه‌ها دهوكێ‌ دێ‌ سه‌نته‌رێ‌ هه‌وارهاتنا بله‌ز كو دبێژنێ‌ (122)ل شێلادزێ‌ دێ‌ كه‌ڤیته‌ د خزمه‌تا وه‌لاتێن ده‌ڤه‌را ئامێدیێ‌ و ده‌وروبه‌رێن وێ‌ دا د.عه‌بدولا جاسم گوت ژی: بۆ روویدانا هه‌ر نه‌خوشیه‌كێ‌ یان هه‌ر روویدانه‌كا دی یا دل ته‌زین وه‌لاتێن ده‌ڤه‌را ئامیدیێ‌ و دێره‌لوكێ‌ و شێلادزێ‌ و گوندێن ده‌وروبه‌رێن وان دێ‌ مفادار بن بۆ دنانا ڤی تیمێ‌ هه‌وارهاتنا بله‌ز كو خه‌لك دشێن بێ‌ به‌رامبه‌ر په‌یوه‌ندیێ‌ ب ژماره‌ ( 122 ) بكه‌ن بۆ هه‌ر روویدانه‌كێ‌.
 د.عه‌بدولا جاسم رێكانی دیاركر ژی ، ئه‌ڤه‌ ژی ئێك ژ وان پشكا یه‌ ین سه‌نته‌رێ‌ 122 ل هه‌می پارێزگه‌ها دهوكێ‌ و ده‌وروبه‌رێن وی هاتینه‌ دانان ، ئه‌ڤ تیمێ‌ هه‌وارهاتنا بله‌ز كو ب ستافه‌كێ‌ تمام یێ‌ دگه‌ل ترومبێلا هه‌وارهاتنێ‌ ب خوڤه‌ دگریت دێ‌ بۆ ده‌مێ‌ بیست و چار ده‌مژمێرا د خزمه‌تا خه‌لكێ‌ ده‌ڤه‌رێ‌ دا بیت بۆ هه‌ر روویدانه‌كێ‌ یان گه‌هاندنا نه‌خوشی بۆ بنگه‌هێ‌ ساخله‌میێ‌ .
ئه‌ڤه‌ ژی پێنگاڤه‌كا پیروزه‌ ژ به‌ركو دێ‌ ئاستێ‌ ساخله‌میێ‌ ل ده‌ڤه‌رێ‌ پێش ڤه‌به‌ت ، ئه‌ڤه‌ دێ‌ مفایی گه‌هینیته‌ هه‌می خه‌لكی ب تایبه‌ت خه‌لكێ‌ كێم ده‌رامه‌ت دا كو ب زووترین ده‌م نه‌خوشێ‌ وان بگه‌هینیته‌ بنگه‌هێ‌ ساخله‌میێ‌ .