شیانێن كادرێ‌ ساخله‌میێ‌ د وارێ‌ نه‌خۆشیێن ڤه‌گر دا دهێنه‌ پێشڤه‌برن

بۆ ماوه‌یێ‌ چه‌ند رۆژان ل پارێزگه‌ها دهۆكێ‌، شیانێن كادرێ‌ ساخله‌میێ‌ د وارێ‌ به‌رهنگاربوونا نه‌خۆشیێن ڤه‌گر دا ل هه‌رسێ‌ پارێزگه‌هێن دهۆك، هه‌ولێر و سلێمانیێ‌ ژ ئالیێ‌ نوشدارێن بیانی ڤه‌ هاتنه‌ پێشڤه‌برن.
وه‌زاره‌تێن ساخله‌مییا هه‌رێمێ‌ و به‌غدا ب هه‌ڤكاری دگه‌ل رێكخراوا ساخله‌مییا جیهانی، بۆ ماوه‌یێ‌ چه‌ند رۆژان ل پارێزگه‌ها دهۆكێ‌ شیانێن هه‌ژماره‌یه‌كا نوشدار و كارمه‌ندێن د وارێ‌ نه‌خۆشیێن ڤه‌گردا كاردكه‌ن پێشڤه‌برن.
د.سیروان محه‌مه‌د ئه‌سوه‌د رێڤه‌به‌رێ‌ كاروبارێن خۆپاراستنا ساخله‌میێ‌ د دوماهی هاتنا خۆلا پێشڤه‌برنا شیانێن كادرێن ناڤهاتی دا دیاركر، بابه‌تێن خۆلێ‌ ب گرنگی دانه‌ زانین نه‌مازه‌ كارێ‌ پراكتیكی یێ‌ پشكدارا و گۆت: "دخوزام ئه‌و بابه‌تێن هاتینه‌ شروڤه‌كرن ب پراكتیك د رۆژانێن كارێ خۆ دا بێخنه‌ كاری".