شیرێ سیمیلاك یێ زاروكا هاته قهدهغهكرن
بێ گومان زاروك پاشهروژا ههر مللهتهكی نه پێدڤیه لسهر ههمی جهێن پهیوهندی دار ئاگههدار بن لسهر ههمی خارن و ڤهخارنێن گرێدایی ب ساخلهمی و گهشهكرنا زاروكی ڤه لهورا وهزارهتا ساخلهمیا حكومهتا ههرێما كوردستانێ بریا ردا كو شیرێ سیمیلاك بهيته قهدهغه كرن .
د.سیروان محهمهد ئهسوهد ، رێڤهبهرێ كاروبارێن خوپاراستنێ ل پارێزگهها دهوكێ ل دور ڤی بابهتی گوت: ئهگهر سیمیلاكی بدهیه زاروكی چێدبیت زاروك تووشی زك چوونهكا دژوار ببیت كو جوره بهكتریایهك تێدایه دبێژنێ (كولستیریدیوم بوچولزم )وهزارهتا ساخلهمیێ دنڤیسارا خودا یا ژماره (53480)ل رۆژا 29/8/2013 وهزارهتا ساخلهمیا حكومهتا فیدرال و وهزارهتا ساخلهمیا حكومهتا ههریما كوردستانێ بریارهك هاته دان كو ئهڤ جوره شیره سیملاك ل سهرانسهری عێراقێ بهێته قهدهغه كرن و هندی ل بازاری ژی ههبیت بهیته دهستهسهر كرن و ژناڤ برن ، ههلبهت تیمێن مه یێن ساخلهمی سهرهدانا بازارێ دهوكێ كریه كو ئهو شیرێ مێژوویا دروست كرنا وێ ل 2/5/2013 و تهواو بوونا وێ ل 31/10/2014 بهێته قهدهغه كرن و خوش بهختانه هێشتا نهگههشتیه بازارێ مه ،دیسان چ زاروك تووشی چ نهخوشیان نهبووینه ژ ئهگهرێ خوارنا ڤی شیری .
د. سیروان دیار كر ژی كو بهس ئهڤ جورێ شیری ههمی نههاتیه قهدهغه كرن بتنێ ئهوێ دڤى ماوهی دا هاتیه دروست كرن . ئهڤ جورێ شیرێ سیميلاك ل گهلهك وهلاتان وهكی (چینێ و سعودیه ...هتد ) هاتیه قهغهكرن.
ههر تشتهكێ بهێته خارن و ڤهخارن بگههیته دناڤا ههرێما كوردستانێ دا ل خالێن سنوری پشكنین بۆ دهینه كرن.