دوو تیمین گهروك بو بیشكیشكرنا خزمهتین ساخلهمی ل كهمپا دومیز هاتنه دانان
رێڤهبهریا گشتی یا ساخلهمیا پارێزگهها دهوكێ ب ههفكاریا رێكخراوا دهستهیا نوژدارێن نیڤ دهولهتی ل روژا 29/9/2013 رابون ب ئهنجامدانا خولهكا تایبهت ب چالاكێن ساخلهمیا جڤاكی ل هولا رێڤهبهریا ناڤبری ئهڤ تیمه حهفتیێ چار رۆژان دێ سهرهدانا كهمپا دومیز كهن بو پێشكێشكرنا خزمهتێن ساخلهمیێ .
د. بهختیار دیاركر كو ژ بو پێخهمهت پتر پێشكێشكرنا خزمهتێن ساخلهمیێ بۆ كوردێن رۆژئاڤا كوردستانێ رێڤهبهریا گشتی یا ساخلهمیا پارێزگهها دهوكێ یا بهردهوامه بو پێشكێشكرنا خزمهتان بو ئاوهرهیێن رۆژئاڤا و گوت : ئێك ژ خزمهتێن گرنگ ئهوه كو بهرفرهه بونا هژمارهیا ئاوارهیان ل كهمیا دومیز و بنگههێ ساخلهمیێ نهشێت ب تهمامی خزمهتا وان بكهت ، مه ب گرنگ دیت كو دوو تیمێن گهروك بهێنه دروستكرن و سهرهدانا جهێن جودا یێن كهمپا دومیز بكهن ، كو دوویر ژ بنگههێ ساخلهمیا وان و پێشكێشكرنا خزمهتێن وان ئهڤ هزره هاته گهنگهشهكرن ژ لایێ ساخلهمیا نیڤ دهولهتی ، ئهڤ دوو تیمه هاتنه مهشق دان ل دور چارهسهركرنا پهنابهران ل دهمێ تهنگا ڤی یادا و ئهڤ تیمه ژ نوژدارهكێ زهلام و نوژدارهكا ئافرهت پێك دهێت و دگهل هاریكارێن تهندروستی و حهفتیێ چار رۆژان دێ سهرهدانا كهمپێ كهن و خزمهتا پێشكێشكهن و بێ بهرامبهر.
د. حهسنا روستهمی بهرپرسا پروگراما ل رێكخراوا دهستهیا نوژدارێن نیڤ دهولهتی خویاكر كو ئهڤ رێكخراوه ل سالا 2003 تا نوكه كاردكهین ل عێراقێ و كوردستانێ خزمهتێن ساخلهمی و كارگێری و جڤاكی پێشكێش دكهین ، و گوت : نڤێسینگهها مه یا سهرهكی ل بهغدایه و لقهك ل ههولێره و نێزیك ل دهوكێ ژی دێ لقهكی ڤهكهین ، ههر ژ مهها چار ئهم ب ههفكاریا ریكخراوهكا بریتانی خزمهتا پێشكێشی ههموو كهمپێن عێراقێ و ل ههرێما كوردستانێ پێشكێش دكهین ، پێدڤیێن وان و ههروهسان ههموو خزمهتێن ساخلهمیێ و چاڤدێریا ژنان دژی توندوتیژیێ و دهرونیێ دكهین دیسان پێك ئینانا تیمێن گهروك دناڤ كهمپاندا .