رێژا تووشبۆنا ژنان ب په‌نجه‌شێرا مه‌مكی ل دهۆكێ‌ دزێده‌بوونێ‌ دایه‌

ب هه‌لكه‌فتا حه‌فتیا جیهانی یا نه‌هێلانا  په‌نجه‌شێرا مه‌مكی، رێڤه‌به‌ریا گشتی یا ساخله‌میا پارێزگه‌ها دهوكێ‌ ل رۆژا 2013/9/10 رابوون ب گێرانا رێوره‌سمه‌كێ‌ ل هولا نه‌خوشخانا ئازادی یا فێركرنێ‌ و خه‌لاتكرنا چه‌ند نه‌خوشێن ژن.
رێڤه‌به‌رێ‌ گشتی یێ‌ ساخله‌میا پارێزگه‌ها دهوكێ‌ د. نزار عسمه‌ت دیاركر كو ئه‌ڤه‌ حه‌فتیا جیهانی یا نه‌هێلانا په‌نجه‌شێرا مه‌مكی یه‌ ل ده‌ف ژنێ‌ ، گه‌له‌ك جاران بوویه‌ مه‌ترسی ل سه‌رساخله‌میا وان و گۆت: وه‌كو رێڤه‌به‌ریا گشتی یا ساخله‌میا پارێزگه‌ها دهوكێ‌ نه‌ ب تنێ‌ هه‌لكه‌فت كریه‌، به‌لكو مه‌ ئاماژه‌ پێدایه‌ دێ‌ چاوا خه‌لكه‌كی ره‌وشه‌نبیركه‌ین، دیسان ئه‌م ره‌خنێ‌ ل خوه‌ بگرین ل سه‌ر وان كارێن هاتینه‌كرن داكو بشێین به‌رنامه‌یه‌كی بدانین و پلانه‌كا گونجای بدانین بۆ هه‌موو نه‌خوشیا، ئێك ژوان پلانێن گه‌له‌ك تایبه‌تمه‌نده‌ بو نه‌هێلانا به‌ربه‌لاڤبوونا ڤێ‌ نه‌خوشیێ‌ وده‌ست نیشانكرن و چاره‌سه‌ركرنا وێ‌ یه‌ ب شێوه‌یه‌كێ‌ گشتی، ئه‌ڤ پلانه‌ ژ لیژنه‌یه‌كێ‌ پێك دهێت و ئه‌ڤه‌ ژی هاتیه‌ گرێدان ل نڤیسینگه‌ها رێڤه‌به‌ریا گشتی یا ساخله‌میا پارێزگه‌ها دهوكێ‌ ، هوبا په‌نجه‌شێرێ‌ یه‌ كارێن وان دێ‌ یێ‌ گونجای بیت كو ئه‌و كێماسيێن كه‌تینه‌ كارێ‌ وان دا كێمتر لێ‌ بهێت رێژا توشبونا ڤێ‌ نه‌خوشیێ‌ ل ده‌ڤ زه‌لامان وه‌كو خویه‌، به‌لێ‌ ل ده‌ڤ ژنان دزێده‌بونێ‌ دا دبیت، چونكو زوو ناهێته‌ ده‌ست نیشانكرن.
هه‌ر ب وێ‌ هه‌لكه‌فتێ‌ رێڤه‌به‌ریا گشتی یا ساخله‌میا پارێزگه‌ها دهۆكێ‌ رابوو ب خه‌لاتكرنا دو نوشداران كو گه‌له‌ك كار ژبۆ خزمه‌تا نه‌خۆشێن په‌نجه‌شێرا مه‌مكی كریه‌ و دیسا دیاری ل سه‌ر 10 ژنێن تووشبۆی ب نه‌خۆشیێ‌ هاتنه‌ دان.