گرێبه‌ستا ئاڤاكرنا نه‌خوشخانا ژنان و زاروكبوونێ هاته ئیمزاكرن
هاتیه بلاڤکرن روژا جارشه‌مبێ, 9 چریا ئيكى 2013 - 6:18pm
ژپێخه‌مه‌ت ده‌ست پێكرنا ئاڤاهیێ نوو یێ نه‌خوشخانا ژنان و زارۆبوونێ، ل رۆژا 9/10/2012 گرێبه‌ستا نه‌خۆشخانا ناڤبری ب كوژمێ پتر 61 ملیار دیناران هاته ئیمزاكرن.
د. نزار عصمت، رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو ئیمزاكرنا گرێبه‌ستا نه‌خوشخانا ژن و زاروكبوونێ كو نه‌خوشخانه‌كا 300 ته‌ختی یه دێ گه‌له‌ك خزمه‌تا خه‌لكێ دهوكێ و ده‌وروبه‌رێن وێ كه‌ت و گۆت: لایه‌نێن دێ كاری دگه‌ل مه كه‌ن كومپانیا سیپانه دگه‌ل كومپانیه‌كا توركی كو ب ناڤێ (وای دی ئه‌ی ) دێ رابیت ب ئاڤاكرنا نه‌خوشخانا ژن و زاروك بوونێ یا سێ سه‌د ته‌ختی ، كو كوژمێ تێچوونا دیزاین و ئاڤاكرنا ڤی پروژه‌ی 61.9 ملیار دینارن بو ماوێ دوو سال و نیڤا دێ ب دووماهی دهێت.
د.چنار مسته‌فا ، رێڤه‌به‌را نه‌خوشخانا ژن و زاروبوونێ دیار كر : ئاڤاكرنا ڤێ نه‌خوشخانێ گرنگیا خوه هه‌یه بۆ پارێزگه‌ها دهوكێ كو به‌ری ساله‌كێ ئه‌م بتنێ پشكه‌ك بووین ژ نه‌خوشخانا ئازادی ل قاتێ دووێ كو تایبه‌ت ب ژن و زاروبوونێ ڤه بوو، گۆتژی: بلندبوونا ژمارا ئاكنجیێن پارێزگه‌ها دهوكێ د زێده‌بوونێ دایه و خه‌لكێ ده‌وروبه‌رێن پارێزگه‌ها دهوكێ ژی سه‌ره‌دانا مه دكه‌ن كو روژانه نێزیكی چل هه‌تا پێنجی زارۆك دهێنه لسه‌ر دونیایی ل نه‌خوشخانێ.
د.چنار مسته‌فا دیاركر ژی: حكوومه‌تا هه‌رێما كوردستانێ نه‌خوشخانه‌كا به‌روه‌خت ئاڤاكریه كو (117)ته‌خته‌یان پێك دهێت، ب ئاڤاكرنا نه‌خوشخانا ناڤبری دێ ئاریشا مه كێمتر بیت و دێ مفایی گه‌هینیته دایك و زاروی ل نه‌خوشخانێ.
ئه‌ڤ مالپه‌ره فرێکه
