جهه‌كێ مودێرن بۆ مه‌یدانكا رۆژێن ئه‌ینێ دێ هێته دروستكرن
هاتیه بلاڤکرن روژا پێنج شه‌مبێ, 31 چریا ئيكى 2013 - 9:09am
لیژنا بلند یا ساخله‌میێ د كۆمبوونا خوه یا دوهی 30/10/2013 ب سه‌رۆكاتیا قایمقامێ دهۆكێ، چه‌ندین بڕیار بۆ پاراستنا ساخله‌میا وه‌لاتیان دان و ژوانژی راسپاردنا باژێرڤانیا دهۆكێ بۆ دروستكرنا جهه‌كێ مودێرن بۆ مه‌یدانكا رۆژێن ئه‌ینی.
لیژنا بلند یا ساخله‌میێ ل پارێزگه‌ها دهۆكێ كو گه‌له‌ك رێڤه‌به‌ریێن حكوومه‌تێ تێدا ئه‌ندامن، هه‌یڤانه كۆمبوونێن خۆ ئه‌نجام دده‌ت و د هه‌ر كۆمبوونه‌كێدا چه‌ندین بڕیار و رێنمایان ژ بۆ به‌رژه‌وه‌ندییا گشتی ده‌ردكه‌ت.
دوهی 30/10/2013ل رێڤه‌به‌رییا كاروبارێن خۆپاراستنا ساخله‌میێ كومبوونه‌ك هاته ئه‌نجامدان و تێدا (بۆتان محسن) سه‌رۆكێ لژنێ، رێڤه‌به‌ریێن په‌یوه‌ندیدار راسپاردن بۆ هندێ جهه‌كێ مودێرن و شارستانێ بۆ مه‌یدانكا رۆژێن ئه‌ینی دروستبكه‌ت، هه‌روه‌سا بڕیاردا زێده‌تر دووڤچۆنا كۆمپانیێن ئامیرێن پالاوتنا ئاڤێ بهێته‌كرن و بهێنه هایداركرن یێ پێگیریێ ب رێنمایێن ساخله‌میێ نه‌كه‌ت دێ كه‌ڤیته به‌ر سزایێ.
هه‌ر د وێ كۆمبوونێ دا بڕیار هاته‌دان مێكانزمه‌ك بۆ دابینكرنا ئاڤا پاقژ یا ڤه‌خورانێ بۆ قوتابخانێن پارێزگه‌هَێ دگه‌ل رێڤه‌به‌ریا گشتیا په‌روه‌ردێ بهێته دانان.
هه‌ر د كۆمبوونێ دا چه‌ندیێن رێنمایێن دی هاتنه ده‌ركرن ل سه‌ر جهێن گشتی ژ پێخه‌مه‌ت پاراستنا گیانێ وه‌لاتیان.
ئه‌ڤ مالپه‌ره فرێکه
