دۆرێن 180 هزار زارۆیێن دهۆكێ دێ هێنه ڤاكسیندان
ب مهرهما پاراستنا زارۆیێن ئێك رۆژی ههتا پێنج سالی ژ نهخۆشیا فالنجا زارۆیان، ل رۆژێن 2-7/11/2013 ههوهكا ڤاكسیندانێ دێ دهستپێ كهت.
دوهی 2/11/2013 ل بنگههێ بههدینان یێ ساخلهمیێ رێ و رهسمێن ههوا ڤاكسیندانێ هاتنه گێران.
د.سیروان محهمهد ئهسوهد، رێڤهبهرێ كارۆبارێن خوپاراستنا ساخلهمیێ دیاركر كو دڤێ گهرێ دا نێزیكی 180 هزار زارۆیێن ل ژێر پێنج سالیێ ل سهرانسهری پارێزگههێ دێ هێنه ڤاكسیندان و گۆت: ژبهركو تیمێن ڤاكسیندانێ مال ب مال دێ گهرن لهورا ئهوان ژمارا تیمان زێدهكریه و 473 تیم هاتینه پێكئینان و 70 كهس ژی وهكو سهرپهرشت دێ ب ههوا ڤاكسیندانێ رابن.
دیاركر ژی كو دگه را بۆری دا ئهو شیابوون ل دۆرێن 97% ژ زارۆیێن كێمتر ژ پێنج سالیێ ڤاكسین بدهن و خواست كو ل ڤێ گهرێ ژمارا خوه بلندتر لێ بكهن.