پهرلهمانێ عیراقێ رێڤهبهرێ گشتیێ ساخلهمیا دهۆكێ خهلاتكر
ژبهر خزمهتكرنا كهرتێ ساخلهمیێ دوارێن ئاڤهدانكرن و چارهسهری و خوپاراستنێ دا، نڤیسینگهها دهۆك یا پهرلهمانتارێن عیراقێ رێڤهبهرێ گشتیێ ساخلهمیا پارێزگهها دهۆكێ خهلاتكر.
د رێ و رهسمهكی دا د.حهمید باڤی، ئهندامێ پهرلهمانێ عیراقێ دیاركر كو رهوشا ساخلهمیێ دڤان سالێن دووماهیێ دا بهر ب باشیێ چوویه ب تایبهت دوارێ ئاڤاكرنا نهخۆشخانه و دهزگههێن ساخلهمیێ دا و گۆت: گهلهك نهخۆشێن تووشی نهخۆشیێن گران بووین سهرهدانا نڤیسینگهها مه دكهن و خواست كو سیستهمهك بۆ چارهسهركرنا وان ژدهرڤهی وهلاتی ههبیت.
نهجیبا بامهرنی، ئهنداما پهرلهمانێ عیراقێ ژی دیاركر ئهو خوه ب سهربلند ل ههمبهر پێشكێشكرنا خزمهتێن ساخلهمیێ ل پاریزگهها دهۆكێ دبینن و گۆت:ئهم دێ حكوومهتێ پال دهین كو پتر گرنگیێ ب بۆدجا ساخلهمیێ بدهت ب تایبهت دوارێ دابینكرنا دهرمانان و ئامیرێن ساخلهمیێ.
د.نزار عسمهت، رێڤهبهرێ گشتیێ ساخلهمیا پارێزگهها دهۆكێ دیاركر كو دهستكهفتێن ساخلهمیێ ب پشتهڤانیا ههموو ستافێ ساخلهمیێ هاتینه پێش و وهكو دهستكهفتهك بۆ خهلكی ههمیێ یه و گۆت: د سالا 2013 دا ئهم شیاین پێنگاڤێن باش بۆ نهخۆشێن پهنجهشێرێ بهاڤێژین, دیسان گهلهك نهخوشخانه دێ هێنه ئاڤاكرن ,دهربارهی دهرمانان ژی ژبهركو ژ بۆدجا عیراقێ دهێنه كرین لهورا كێماسی تێدا ههنه و ل سالا بۆری بۆ نههێلانا وان كێماسیان ب رێژا 45% مه ژ بۆدجا ههرێمێ كرینه و نوكه ههول ددهین كوژمێن بۆ دهرمانا دهێنه تهرخانكرن ژ حكوومهتا عیراقێ بخوازین.
ل دووماهیێ خهلاتهك و سوپاسنامهك ژلایێ پهرلهمنتاران بۆ رێڤهبهرێ گشتیێ ساخلهمیا پارێزگهها دهۆكێ هاتنه پێشكێكرن.