زێرهڤانیا ساخلهمیێ 12 تهنێن كهلوپهلێن ئێكسپایهر ژناڤبرن
هاتیه بلاڤکرن روژا جارشهمبێ, 20 چریا دووى 2013 - 9:39am
زێرهڤانیا ساخلهمیێ ل پارێزگهها دهۆكێ دهستهسهركرن و ژناڤبرنا 12 تهنێن كهلوپهلێن خوارن و ڤهخوارنێ یێن ئێكسپایهر راگههاند.
عسمهت سهلمان بهرپرسێ هوبا زێرهڤانیێِ ل رێڤهبهریا كاروبارێن خوپاراستنا ساخلهمیێ گۆت: "ژ وان كهل و پهلێن ئێكسپایهر 8 تهنێن ماسییا بوون دگهل 4 تهنێن كهلوپهلێن خوارن و ڤهخوارنێ و جگارا، كو ژ ئالیێ تیمێن زێرهڤانیا ساخلهمیێ ب ههڤكاری دگهل هوبا ئابووری یا ئاسایشا شارێ دهۆكێ هاتینه دهستهسهركرن و ژناڤبرن".
ههروهسان گۆت: "تێمێن مه رۆژانه دكاری دانه بۆ دۆڤچوونا جهێن گشتی ژ پێخهمهت ساخلهمییا گشتی یا وهلاتیان".