په‌یمانگه‌ها دهۆك بۆ پرسێن سیاسی پرۆژێ‌ كوالێتیا خزمه‌تێن ساخله‌میێ‌ ده‌ستپێكر

په‌یمانگه‌ها دهوك بو پرسێن سیاسی و ب هه‌فكاری و پشته‌ڤانیا رێكخراوێن نه‌حكومی ل رۆژا 20/11/2013 رابوون ب ئه‌نجامدانا پرۆژێ‌ (كوالێتیا خزمه‌تێن ساخله‌میێ‌ ) ل هولا نه‌خوشخانا ئادزادی و بو ده‌مێ‌ چار رۆژان دێ‌ یا به‌رده‌وام بیتن ، هه‌روه‌سان ل به ره 5/10 /2013 هه‌تا 5/1/ 2014 ل سه‌نته‌رێ‌ پارێزگه‌ها دهوكێ‌ – قه‌زا زاخو و ئاكرێ‌ بهێته‌ ئه‌نجامدان.
شڤان عیسا به‌رپرسێ‌ په‌یمانگه‌ها دهوك بو پرسێن سیاسی دیاركر كو ئه‌ڤ پروژه‌ (كوالێتیا خزمه‌تێن ساخله‌میێ‌ ) دهێته‌ برێڤه‌برن ژلایێ‌ په‌یمانگه‌ها دهوك بو پرسێن سیاسی كو رێكخراوه‌كا نه‌حكومی یه‌ ل سالا 2006 هاتیه‌ دامه‌زراندن ب پشته‌ڤانیا فه‌رمانگه‌هێن رێكخراوێن جڤاكێن مه‌ده‌نی ل هه‌رێما كوردستانێ‌ و ب هه‌فكاریا رێڤه‌به‌ریاگشتی یا ساخله‌میا پارێزگه‌ها دهوكێ‌ و گوت : وه‌ختێ‌ ڤی پرۆژه‌ی سێ‌ هه‌یڤن ل سه‌ر چار قوناغا دهێته‌ برێڤه‌برن قوناغا ئێكێ‌ كومكرنا پێزانینان بو كو6/10/2013 هاتبو ده‌ستپێكرن ، هه‌روه‌سان قوناغا دووێ‌ ئه‌نجامدانا راپرسیه‌كێ‌ يه بو قه‌زایێن زاخو ئاكرێ‌ و سه‌نته‌رێن پارێزگه‌ها دهوكێ‌ ، قوناغا سیێ‌ پێك دهێت ژ سێ‌ وورك شوپا ل دهوكێ‌ و زاخو و ئاكرێ‌ و هه‌ر وورك شوپه‌كێ‌ ژی بیست نوژدار پشكدارن و ل سه‌ر بابه تێ‌ كوالێتیا خزمه‌تێن ساخله‌میێ‌ يه و ژلایێ‌ ماموستایێن بسپور ڤه‌  هێنه‌ به‌حسكرن ،  دیسان قوناغا چارێ‌ دێ‌ كونگره‌كێ‌ ساخله‌میێ‌ هێته‌ ئه‌نجامدان كو ئارمانجێن پروژه‌ی و ئه‌و كێشێن بوینه‌ ئه‌گه‌ر كو ئه‌ڤ كه‌رته‌ پێش نه‌كه‌ڤیت و ئه‌و چاره‌سه‌ریێن هاتینه‌ پێشكێشكرن دڤان وورك شوپاندا دێ‌ ل كونگره‌ی هێنه‌ به‌حسكرن و ئه‌ڤ پرۆژه‌ دێ‌ ل 5/1/2014 ب دووماهی هێت .