رێڤه‌به‌رێ‌ گشتی يێ‌ ساخله‌میا دهوكێ‌ سه‌ره‌دانا قه‌زا زاخو كر

ژبو پتر ئاگه‌هدار بوون ب ئه‌وان خزمه‌تێن كه‌رتێ‌ ساخله‌میێ‌ و كێماسيێن ده‌ڤه‌را زاخۆ و چاوانیا برێڤه‌چوونا كارێ‌ بنگه‌هێن ساخله‌میێ‌ ل هه‌ردو خالێن گومركی یێن پێشابوور و ئیبراهیم خه‌لیل،شانده‌كێ‌ ساخله‌میێ‌ كو پێكهاتی بوو ژ د. نزار عصمت رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ و رێڤه‌به‌رێ‌ ساخله‌میا زاخۆ و رێڤه‌به‌رێ‌ كاروبارێن خوپاراستنێ‌ و چه‌ند به‌رپرسێن پشكان سه‌ره‌دانا چه‌ند جهان كرن و ل به‌راهیێ‌ سه‌ره‌دانا چه‌ند بنگه‌هێن ساخله‌میی و گومركا خالا پێشابیرێ‌ و گومركا ئیبراهیم خه‌لیل كرن و هاته‌ پێشوازیكرن ژلایێ‌ حه‌مید عه‌لی رێڤه‌به‌رێ‌ كومه‌لگه‌ها ئیبراهیم خه‌لیل و شه‌وكت به‌ربهاری رێڤه‌به‌رێ‌ گومركا پێشابیرێ‌، هه‌روه‌سا سه‌ره‌دانا نه‌خوشخانا زاخو یا گشتی دا و ژ نێزیك ل دۆر ره‌وشا وان ئاگه‌هداربوون.
د. نزار عصمت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ دیاركر كو وان ب گرنگی زانی سه‌ره‌دانا ده‌ڤه‌را زاخو بكه‌ن ژ بو پتر ئاگه‌هداربوون ل سه ر هه‌موو كێشێن ساخله‌میێ‌ و هه‌روه‌سا پێشڤه‌چوونا گه‌شه‌كرنا خزمه‌تێن ساخله‌میێ‌ ل ده‌ڤه‌رێ‌ و گۆت: ب راستی هه‌می نوشدار و كارمه‌ندێن زاخو كاره‌كێ‌ باش دكه‌ن و روژانه‌ دووڤچونا ئه‌وان خزمه‌تا دكه‌ن، دیاركر ژی ل دووڤ به‌رنامه‌كێ‌ تێروته‌سه‌ل مه‌ سه‌ره‌دانا چه‌ند بنگه‌هێن ساخله‌میێ‌ و خالێن سنوری ل پێشابیرێ‌ و ئیبراهیم خه‌لیل و هه‌روه‌سا نه‌خوشخانا زاخو یا گشتی كر و مه‌ ژ نێزیك زانی كا چ كێماسی هه‌نه‌ و ل دويڤ به‌رنامه‌كی هه‌می كێماسی دێ‌ بۆ بهێنه‌ چاره‌سه‌ركرن .