سمیناره‌ك بو هوشیاركرنا نه‌خوشێن ته‌لاسیمیایێ‌ هاته‌ پێشكێشكرن

ل رێكه‌فتی 21/11/2013 ل هولا ئوتێلا دلشاد سمیناره‌ك ژ لایێ‌ د.روباد و د.عه‌بدوالرحمن هاته‌ پێشكێشكرن بو نه‌خوشێن ته‌لاسیمیایێ‌ وه‌كی هوشیاركرنه‌كێ‌ بو  وان و كا دێ‌ چاوا شێن ب شێوه‌كێ‌ نورمال ژیانا خو به‌نه‌ سه‌ری و به‌رگریا ڤێ‌ نه‌خوشیێ‌ كه‌ن ئه‌ڤ سمیناره‌ ب پشته‌ڤانیا كومپانیا نوڤارتس یا ده‌رمانێن ئاسنی هاته‌ ڤه كرن.
د.روباد موئه‌یه‌د، به‌رپرسێ‌ پشكا تالاسیمیا ل سه‌نته‌رێ‌ ژین گوت: ئه‌ڤ  سمیناره‌ لسه‌ر نه‌خوشیا ته‌لاسیمیا هاتیه‌كرن وه‌كی هوشیاركرنه‌ك بو نه‌خوشێن ته‌لاسیمیایێ‌ كا سروشتێ‌ ڤێ‌ نه‌خوشیێ‌ چیه‌ و چه‌ند جور هه‌نه‌ و دێ‌ چاوا نه‌خوش شێت خوپارێزیت و كا دێ‌ چه‌وا شێت لڤینا خو و ژیاناخو ب شێوه‌یه‌كێ‌ نورمال برێڤه‌به‌ت.
د.عه‌بدولره‌حمان عه‌بدوللا ، تایبه‌تمه‌ندێ‌ نه‌خوشییێن خوینێ‌ یێن زاروكان گۆت: سمینارا مه‌ ل سه‌ر تالاسیمیا بو كا ژ چ پێك دئێت و چاوا چێدبیت و چه‌ند جورن هه‌روه‌سا دیاركر كو نه‌خوشیا تالاسیمیا نه‌خوشیه‌كا زكماكی یه‌ دهێته‌ ڤه‌گوهاستن ژ دایك وبابا بو زاروكی ، و گۆت: هه‌كه‌ دایك و بابێن وان هه‌ردوكا نه‌خوشیا تالاسیمیا یێ‌ هه‌بیت ب رێژا 25% دێ‌ زارویێن وان تووشی نه‌خوشیا ته‌لاسیمیا قورس بن و 25% تالاسیمیا بچووك و 50% نورمال ده‌ردكه‌ڤن.
هه‌روه‌سا د.عه‌بدولره‌حمانی گۆت: جورێن ڤێ‌ نه‌خوشیێ‌ سێ‌ نه‌, یا بچووك و یا مام ناوه‌ندی و یا قورس،جورێ‌ نه‌خوشیا تالاسیمیا قورس ئه‌و جورن ئه‌وێ‌ هه‌ر هه‌یڤ پێدڤی ب خوینێ‌ دبن، هه‌روه‌سا گوت: ئه‌گه‌ر ژن و مێرا هه‌ردوكا نه‌خوشیا ته‌لاسیمیا بچووك هه‌بیت ئه‌گه‌ر ژن دوگیان بو دێ‌ ل هه‌یڤا دوێ‌ تاقیكرنه‌كا جه‌نینی بو كه‌ین هه‌كه‌ یا قورس بیت دڤێت وی زاروكی ژ به‌ر ببه‌ن هه‌كه‌ یا نورمال بو دێ‌ هێلن.
هه‌روه‌سا دڤێ‌ سمینارێدا به‌حسێ‌ وێ‌ چه‌ندێ‌ هاته‌كرن كا دێ‌ چاوا چاره‌سه‌ری ئێته‌ كرن ودێ‌ چه‌وا تاقیكرنانب و ڤى نه‌خوشیێ‌ كه‌ين و دێ‌ چه‌وا دووڤچونا نه‌خوشیا خوه‌ كه‌ن ،هه‌روه‌سا هه‌ر چار حه‌فتیا جاره‌كێ‌ بهێن به‌رده‌وام خوینێ‌ وه‌ربگرن  چونكی ئه‌گه‌ر هات خوین وه‌رگرت دێ‌ گه‌شه‌كرنا وان یا سروشتی بیت مێلاكاوان مه‌زن نابیت، ئه‌گه‌ر هات د پاشه‌روژێ‌ دا خوین وه‌رگرت دێ‌ ئاسن د له‌شێ‌ واندا بلندبیت ژ به‌ر ڤێ‌ چه‌ندێ‌ دێ‌ پێتڤی ب چاره‌سه‌ریا ئاسنی بیت، هه‌روه‌سا به حسێ‌ هندێ‌ كر كا گه‌نكی نه‌خوش پێتڤی دبیت ته‌حێلاوی بهێته‌ راكرن.
هه‌روه‌سا دعه‌بدوالرحمن ی گوت دڤێ‌ سمینارێ به حسێ‌ چاندنا مه‌ژیێ‌ هه‌ستی هاته‌ كرن كو ژ خوشكه‌كێ‌ یان برایه‌كێ‌ وی یێ‌ درست بهێته‌ وه‌رگرتن ود ناڤ خوینا وی دا بهێته‌ چاندن دێ‌ بیته‌ مروڤه‌كێ‌ نورمال .