نشتهرگهریهك بۆ چارهسهركرنا پهقینا دهمارا دلی ل دهۆكێ دهێته ئهنجامدان
ل سهنتهرێ ئازادی یێ نشتهرگهری و نهخۆشیێن دلی ل دهۆكێ بۆ جارا ئێكێ شیان نشتهرگهریهكێ بۆ زهلامهكێ 49 سالی بكهن كو تووشی پهقینا دهمارا مهزن یا دلی ببوو.
جهمیل شوكر، ئهو كهس بوو یێ نشتهگهری بۆ هاتیه كرن، دیاركر كو بهری چهند شهڤهكا ئهو دناڤ مال دا بێهوش بوو و گۆت: ژ نشكهكێڤه سینگێ من گهلهك ئێشا و مال ئهز ب ههواركی گههاندمه نهخوشخانێ و پشتی بوورینا سێ رۆژان من زانی ئهز ل سهنتهرێ ئازادی یێ نشتهرگهری و نهخوشیێن دلی یێ نڤاندیمه، پشتی هینگی دیاربوو نشتهرگهری بو من هاتیه كرن و نوكه ساخلهمیا من گهلهك باشتره .
رێڤهبهرێ سهنتهرێ ئازادی یێ نشتهرگهری و نهخوشیێن دلی، د. فاروق رهمهزان دیاركر كو دهمارا خوینێ یا مهزن ل دهڤ وی نهخوشی ژناڤدا پهقی بوو و گۆت: ئهڤ حالهته پتریا وان دمرن و ناگههنه نهخوشخانا كو چارهسهری بۆ بهێته كرن و رێژا مرنا وان ژی دگههیته 80%، بهلێ ههر راستهوخو پشتی گههشتنا ڤی نهخۆشی مه تیمهك پێكئینا و ب لهز دهست ب نشتهرگهریێ كر.
د.فاروق رهمهزان دیاركر ژی كو ئهڤه جارا ئێكێ یه نهخوشهك ل سهرانسهری ههرێما كوردستانێ ب ڤی رهنگی دهێته نشتهرگهریكرن و گۆت: نشتهرگهری ب سهركهفتیانه هاته ئهنجامدان و ئهڤه دهستهكهفتهكێ مهزنه بۆ سهنتهرێ مه و نوكه رهوشا وی یا ساخلهمیێ بهر ب باشبوونێ ڤه چوویه و ژ چاڤدێریا چر ژی هاتیه دهرخستن.