ههشت ئامیرێن پشكنینا خوارنێ دێ بۆ دهۆكێ هێنه دابینكرن
ههشت ئامیرێن پشكنینا كهرستێن خوارنێ دێ بۆ تاقیگهها ساخلهمیا گشتی سهر ب رێڤهبهریا كارۆبارێن خوپاراستنا ساخلهمیێ ل دهۆكێ هێنه دابینكرن و ههموو كهرستێن خوارنێ ب رێیا وان دێ هێنه پشكنینكرن.
د. سیروان محهمهد ئهسوهد، رێڤهبهرێ كاروبارێن خوپاراستنێ دیاركر كو ژبهركو پارێزگهها دهۆكێ دهرگههێ سهرهكیه بۆ هاتنا كهرستێن خوارنێ، بۆ ههرێمێ و ههموو عیراقێ ، داكو وهلاتیێن مه پتر ئێمناهی ل سهر خوارنا ژلایێ وان دهێته خوارن ههبیت، گرێبهستهك ل گهل كومپانیا ( الغنیمی گرۆپ) هاته ئیمزاكرن و گۆت: ئهڤ كۆمپانیه دێ رابیت ب دابینكرنا نووترین ئامیرێن پشكنینا خوراكی ل دووڤ ستاندارتێن جیهانی و ههموو ئامیره ژ مۆدێل 2013 و پێههلترن.
رێڤهبهرێ كارۆبارێن خوپاراستنا ساخلهمیێ دیاركر ژی كو ژمارهكا كارمهندێن تاقیگههێ ژی دێ هێنه مهشقدان ل سهر ئامیرهیان بهری بكهڤنه كاری.
د.ئهڤین حسن، رێڤهبهرا تاقیگهها ساخلهمیا گشتی دیاركر كو بۆ جارا ئێكێ یه ئامیرێن پشكنینێ ل دووڤ ڤان سالوخهتان ل ههرێمێ دێ هێنه ب كارئینان و گهلهك مفا دێ بۆ ساخلهمیا گشتی یا وهلاتیان ههبيت كو تووشی نهخۆشیان نهبن و گۆت: ههشت ئامیرێن پێشكهفتی نه ل سهر ئاستێ جیهانێ و ههر كهرستهكێ خوراكیێ بهێته دناڤ ههرێمێ دا ب رێیا وان ئامیرا ژگهلهك ئالیانڤه دێ هێنه پشكنینكرن وهكو زانینا رێژا كهرستێن بۆ پاراستنا خوارنێ دهێنه ب كارئینان، و رێژا كهرستێ میلامین دناڤ خوارنێ دا و بهكتریا و ههر پێكهاتهكێ خوارنێ و دیسا رێژا تیشكێ و كهرستێن پهنجهشێرێ پهیدادكهن دناڤ كهرستێ خوراكی دا دێ هێته زانین و ههر كهرستهكێ ل دووڤ رێژهیێن دهستنیشانكری یێن جیهانی نهبیت یان ژ رێژا سروشتی پتربیت رێك ناهێته دان كو بهێته دناڤ ههرێمێ دا، ئهڤهژی دێ بیته پێنگاڤهك بۆ رێگرتنێ ل نهخۆشیێن كو ژ ئهنجامێ ب كارئینانا كهرستێن نهباش یێن خوارنێ پهیدادبن.