ساخلهمیا دهۆكێ 120 فهرمانبهرێن خودان پێدڤیێن تایبهت خهلاتكرن
ب ههلكهفتا رۆژا جیهانی یا خودان پێدڤيێن تایبهت، وهكو رێزگرتن ل ئهركێ فهرمانبهرێن پهككهفتی دناڤ دهزگههێن ساخلهمیێ دا، رێڤهبهریا گشتی یا ساخلهمیا پارێزگهها دهۆكێ رابوو ب خهلاتكرنا 120 خودان پێدڤیێن تایبهت.
د. بهختیار ئهحمهد رهشید، رێڤهبهرێگشتیێ ساخلهمیا پارێزگهها دهۆكێ ب وهكالهت دیاركر وهكو پشكداری د رۆژا جیهانی یا خودان پێدڤیێن تایبهت ئهڤ رۆژه هاته ساخكرن و گۆت: خودان پێدڤیێن تایبهت ئهوێن ل كهرتێ ساخلهمیێ كاردكهن بهرههمدارن و مه ههموو بزاڤ كرینه رێكێ بو وان خوش بكهین، داكو وێ خزمهتێ پێشكێش بكهن.
دیاركر ژی كو گهلهك كارمهندێن خودان پێدڤیێن تایبهت شیاینه ب سهركهفتیانه خزمهتێن خوه پێشكێشی نهخۆشان بكهن و گۆت: ئهگهرێن پهككهفتنا وان بۆ فاكتهرێن نهخۆشیێن زكماكی یان روودانان ڤهدگهرن.
رێڤهبهرێ گشتیێ ساخلهمیا پارێزگهها دهۆكێ ب وهكالهت دیاركر ژی كو ل رۆژێن بهێت ئهو دێ ژمارهكا پێدڤیان بۆ پهككهفتی و نابینان و نابیستان دابین كهن.