ساخله‌میا دهۆكێ و رێكخراوا UNHCR شه‌ش ترۆمبێل بۆ كه‌مپا دومیز دابینكرن
هاتیه بلاڤکرن روژا ئێک شه‌مبێ, 8 کانونا بچیک 2013 - 2:00pm
ژ بو پتر خزمه‌تكرنا په‌نابه‌رێن كوردێن كوردستانا رۆژئاڤا ل كه‌مپا دومیز شه‌ش ترومبێل هاتنه دابین كرن، دوو ترومبێل ژلایێ رێڤه‌به‌ریاگشتی یا ساخله‌میا پارێزگه‌ها دهوكێ و چوار ترومبێل ژلایێ رێكخراواUNHCR هاتنه كرین .
د. به‌ختیار ئه‌حه‌مه‌د، رێڤه‌به‌رێ گشتی یێ ساخله‌میا پارێزگه‌ها دهوكێ ب وه‌كاله‌ت دیاركر دوو ترومبێل ل سه‌ر بودجا پارێزگه‌ها دهوكێ ب هه‌ڤكاری دگه‌ل رێكخراواUNHCR ژلایێ كه‌رتێ ساخله‌میا دهوكێ هاتینه پێشكێشكرن بۆ كه‌مپا دومیز، و گوت:مه‌ره‌م ژ دابینكرنا ڤان ترومبێلا ئه وه دا كو پتر بشێين خزمه‌تا ڤان په‌نابه‌رێن كوردێن روژئاڤا بكه‌ین ب تایبه‌تی نوكه ل وه‌رزێ زڤستانێ رێكێن هاتن و چونێ نه‌دباشن له‌ورا مه هنده‌ك ترومبێلێن بلند ژ جورێ تویوتا پیك ئاپ بو ئاماده‌كرینه داكو پێدڤیێن وان یێن هاتن و چوونێ ب سانه‌هی بكه‌ڤن و دا بشێن پتر خزمه‌تێن مه یێن لوجستی بهێنه پێشكێشكرن، و گوتژی: د پلانا سالا بهێت دا مه‌داخاز كریه پتر تیمێن مه بشێن خزمه‌تا په‌نابه‌رێن مه بكه‌ن كو ل سه‌رانسه‌ری پارێزگه‌هێ ئه‌ڤ په‌نابه‌ره به‌ربه‌لاڤ بوینه لێ پتریا وان ل كه‌مپا دومیز ئاكنجینه من باوه‌ره ل سالا نوی دێ پتر خزمه‌تا وانه هێته كرن.
گالیا گوڤێڤا به‌رپرسا رێكخراوا UNHCR دیاركر كو هه‌می هه‌ول و بزاڤێن وان ئه‌ون ژ بۆ بهێز كرنا په‌یوه‌ندیا دگه‌ل حكومه‌تا هه‌رێما كوردستانێ بۆ برێڤه‌برنا كاروبارێن خه‌لكێ كه‌مپا دومیز و بتایبه‌ت ئه‌و خه‌لكێ نو دهێنه د ناڤا ڤێ كه‌مپێ دائه‌م ناسناما بو دروست دكه‌ین و دبنه ئاكنجیێن كه‌مپێ .
ئه‌ڤ مالپه‌ره فرێکه
