بۆ جارا ئێكێ ل سه‌ر ئاستێ عیراقێ دو نشته‌رگه‌ری ل دهۆكێ هاتنه ئه‌نجامدان
هاتیه بلاڤکرن روژا ئێک شه‌مبێ, 8 کانونا بچیک 2013 - 1:58pm
رێڤه‌به‌ریا گشتی یا ساخله‌میا پارێزگه‌ها دهوكێ ب هه‌ڤكاریا رێكخراوا هیڤی نازدار یا زارۆیان، شیان شانده‌كێ نوژدارێن ئیتالی بینن دهۆكێ و د پرێس كونفرانسه‌كی دا دیاركرن كو بۆ جارا ئێكێ یه ل سه‌ر ئاستێ عیراقێ دو نشته‌رگه‌ری ل دهۆكێ دهێنه ئه‌نجامدان.
د. به‌ختیار ئه‌حمه‌د ره‌شید، رێڤه‌به‌رێ گشتیێ ساخله‌میا پارێزگه‌ها دهوكێ ب وه‌كاله‌ت دیاركر شاندێ نوژدارێن ئیتالی شیاینه 120 نشته‌رگه‌ریان ئه‌نجام بده‌ن كو پتریا وان د كێم بوون و گۆت: دو نشته‌رگه‌ری بو جارا ئێكێ یه ل سه‌رانسه‌ری عێراقێ دهێنه ئه‌نجامدان.
دیاركر ژی كو ئه ڤه ئێك ژ پێنگاڤێن رێڤه‌به‌ریا گشتی یا ساخله‌میا پارێزگه‌ها دهوكێ یه و مه‌ره‌م ژێ بلندكرنا ئاستێ خزمه‌تێن ساخله‌میێ یه، له‌ورا د رۆژێن بۆری دا زارۆ نه ب تنێ ل سه‌ر ئاستێ هه‌رێمێ به‌لكو ل ده‌ڤه‌رێن دی یێن عیراقێ ژی ل پارێزگه‌ها دهۆكێ هاتینه نشته‌رگه‌ریكرن كو 250 زارۆ هاتنه دیتن ژلایێ تیمێ ناڤبری و گۆتژی: 72نشته‌رگه‌ری هاتنه ئه‌نجامدان كو تایبه‌ت بوون ب میزه‌رۆیێ ل ده‌ڤ زاۆیان، هه‌روه‌سان 48 نشته‌رگه‌ریێن جودا جودا و ئه‌م ل یێ ل وێ هیڤیێ ژی ئێدی ئه‌ڤ نشته‌رگه‌ری یه ل دهۆكێ ب به‌رفره‌هی بهێنه ئه‌نجامدان.
د.قادر محمه‌دصالح، رێڤه‌به‌رێ سه‌نته‌رێ نشته‌رگه‌ریێن زارۆكا دیاركر كر كو ئه‌گه ر ئه و نشته‌رگه‌ری نه‌هاتبانه ئه‌نجامدان ره‌نگه كارتێكرن ل گولچیسكێن زارۆیان كربا و ل دووماهیێ ببيته ئه گه رێ گیان ژده‌ست دانێ.
ده‌رباره‌ی هه‌ردو نشته‌رگه‌ریێن بۆ جارا ئێكێ ژی هاتینه ئه‌نجامدان، د.قادر محه‌مه‌دصالح گۆت: ئه‌و بۆ دوو زارۆیان هاتنه كرن كو ل گه‌ل ژدایكبوونێ ده‌مارێن ده‌ستنڤێژا ستوور یان كماخ نینن و به‌ری نوكه ئه‌و دهاتنه ره‌وانه‌كرن بۆ ده‌رڤه‌ی وه‌لاتی، به‌لێ ئه‌ڤێ جارێ ئه‌م شیاین ب پشته‌ڤانیا نوشدارێن ئیتالی ل دهۆكێ چاره‌سه‌ربكه‌ین و مه باوه‌ریا هه‌ی ئێدی ئه‌ڤ جوره نشته‌رگه‌ری دبه‌رده‌وام بن.
ئه‌ڤ مالپه‌ره فرێکه
