وهلاتیێن كهلهكچی 115 بتلێن خوینێ بهخشین
وهكو نهریتهكێ سالانه، تهخ و چینێن كومهلگهها كهلهكچێ دهست ب ههوهكا خوین بهخشینێ كر كو ب ههڤكاریا كهرتێ شێخان یێ ساخلهمیێ و بهنكا سهرهكی یا خوینێ و كومهلا خوین بهخشان هاته ئهنجامدان.
د.خهیری خدر سڤو، رێڤهبهرێ كهرتێ شێخان یێ ساخلهمیێ بۆ رۆژنامهیا ئهڤرۆ دیاركر كو خهلكێ كهلهكچێ سالانه دو ههتا سێ ههوێن خوینبهخشینێ بۆ نهخۆشان ئهنجام ددهن و گۆت: دوهی 15/12/2013 ههوهكا سهرتاسهری ب پشكداریا فهرمانبهر و پۆلیس و كارمهندێن ئاساییشێ و وهلاتیان دهستپێكر و تێدا 115بتل هاتنه كۆمكرن.
حهمزه رهزیكی، سهرۆكێ كومهلا خوین بهخشێن كوردستانێ ژی دیاركر كو ئهو خوین ل بهنكا سهرهكی یا خوینێ دێ هێته ههلگرتن و بۆ حالهتێن تهنگاڤیان و نهخۆشێن پێدڤی و كهسێن تووشی روودانان دبن مفا دێ ژێ هێته وهرگرتن و گۆت: د ئهڤ سالهدا دو ههوێن خوینبهخشینێ ل ڤێ دهڤهرێ هاتینه ئهنجامدان و دبيت ژبهر هاتنا سالا نوو و ل گهل زێدهبوونا گهشتان و بێهنڤهدانان، روودان ژی زێدهببن و خهلكهك وهكو پێدڤی خوینا خوه نهبهخشیت، لهورا دێ مفا دڤان كاودانان دا ژێ هێته دیتن.