ل رۆژا ئالایێ كوردستانێ ( 50 ) زاروكێن ئێك رۆژی هاتنه خه‌لات كرن
هاتیه بلاڤکرن روژا سێ شه‌مبێ, 17 کانونا بچیک 2013 - 10:22pm
ب هه‌لكه‌فتا رۆژا ئالایی ئه‌ڤرۆ 50 زارۆك ل نه‌خوشخانا ئافره‌ت و زاروك بوونێ هاتنه خه‌لات كرن، د. به‌ختیار ئه‌حمه‌د ره‌شید ،رێڤه‌به‌رێ گشتی ساخله‌میا دهوكێ ب وه‌كاله‌ت بو ئاژانسی هه‌والی په‌یامنێر دیار كر:ئ ه‌ڤرۆ ب به‌رزراگرتنا پیروزیا روژا ئالایی كوردستانێ مه ب فه‌ر دیت ب هه‌ماهه‌نگی دگه‌ل گرۆپێ ئالا ب پشته‌ڤانیا كومپانیا ئه‌تروشی كو چه‌ند دیاریه‌ك هاتینه دابین كرن بۆ زاروكێن ئه‌ڤرۆ هاتینه ل سه‌ر دونیایێ ل نه‌خوشخانا ئافره‌ت و زاروك بوونێ پێشكێشی وان زارۆیان بكه‌ین، داكو هه‌ست بكه‌ن ل رۆژه‌كا پیرۆز ژدایك بووینه.
ژلایێ خو ڤه په‌هله‌وان حیده‌ر، به‌رپرسێ گرۆپێ ئالا بۆ ئاژانسا هه‌والی په‌یامنێرگوت: بۆ مه ئه‌ڤرۆ گه‌له‌ك یا گرنگ بوو وان زاروكێن نها ژ دایك بووین خه‌لات بكه‌ین و خوزیێن وی زاروكی یێ ڤێ رۆژا پیروز ژ دایك ببیت و ئه‌م پێشنیار دكه‌ین بۆ دایك و بابێن زاروك اكو ناڤێن زاروێن خو ئه‌گه‌ر كور بیت بكه‌نه (پێشه‌وا)یان كچ بیت ببیته (ئالا)ژبۆ به‌رز راگرتنا ڤێ رۆژا پیروز ،گوت ژی : ئه‌م دێ بێژینه سه‌ركردێن خوه یێن مینا مسته‌فا بارزانی و قازی محه‌مه‌د كو ئه‌وا هه‌وه گوتی ئه‌ڤرۆ مه كره كریار مه ب فه‌ر زانی ئه‌م ڤان زاروكا خه‌لات بكه‌ین ژبه‌ركو ئه‌ڤ زاروكه‌نه پاشه‌رۆژا ڤی ملله‌تی نه.
ئه‌ڤ مالپه‌ره فرێکه
