پێدڤی ل سه‌ر پتر 500 خودان پێدڤیێن تایبه‌ت دهێنه به‌لاڤكرن
هاتیه بلاڤکرن روژا سێ شه‌مبێ, 17 کانونا بچیک 2013 - 10:27pm
رێڤه‌به‌ریا گتی یا ساخله‌میا پارێزگه‌ها دهۆكێ رابوو ب به‌لاڤكرنا پێدڤیان ل سه‌ر پتر ژ 500 خودان پێدڤیێت تایبه‌ت ژ نابین و كه‌رولال و پێككه‌فتیان.
د.به‌ختیار ئه‌حمه‌د ره‌شید، رێڤه‌به‌رێ گشتیێ ساخله‌میا پارێزگه‌ها دهۆكێ ب وه‌كاله‌ت دیاركر كو هاریكاریا وان ل گه‌ل خودان پێدڤیێن تایبه‌ت د چارچووڤێ گه‌شه‌كرنا ژیانا وان دهێت و گۆت: هاریكاریێن مه ب هه‌ڤكاری ل گه‌ل ئێكه‌تیا نابینان و كۆمه‌لا كه‌رولالان و كۆمه‌لا ژین لقێن دهۆكێ بوون ئه‌وژی بۆ 50 نابینان و ژماره‌كا كه‌رولالان و دۆرێن 500 په‌ككه‌فتیان كو پێكهاتیبوون ژ به‌رچاڤك و سه‌ماعێن گوهلێبوونێ و كورسی و گۆلته‌یێن تایبه‌ت ب نابین و په‌ككه‌فتیانڤه و مه‌ره‌ما مه یا سه‌ره‌كی ئه‌وه كو ره‌وشا ڤان كه‌سا باشتر لێ بكه‌ین و ژیانا كه‌سێن خودان پێدڤێن تایبه‌ت خوش بكه‌ین، داكو شیانێن ڤان كه‌سان دیار بكه‌ین د هه‌می بوارێن ژیانێ دا
سه‌رۆكێ كۆمه‌لا كه‌رولالان لقی دهۆك دیاركر كو چ جیاوازی نینه دناڤبه‌را وان ل گه‌ل هه‌ر كه‌سه‌كێ دی و گۆت: ئه‌مژی دشێین خزمه‌تێ بكه‌ین و پشكداری پروسێسین ژیانێ ببین.
نه‌صره‌دین محه‌مه‌د سه‌رۆكێ كومه‌لا ژین یا په‌ككه‌فتیان دیاركر كو ،ئه‌ڤ جوره هاریكاریه پێتڤی نه د ژیانا كه‌سێن خودان پێدڤێن تایبه‌ت و گۆت: ب رێیا ڤان هاریكاریان هنده‌ك ئاریشێن خێزانی دهێنه كێمكرن، ئه‌م داخازێ ژ هه‌می لایه‌نێن په‌یوه‌ندیدار دكه‌ین چاڤ ل ساخله‌میێ بكه‌ن ژبو هاریكاریا كه‌سێن خودان پێتڤێن تایبه‌ت.
ئه‌ڤ مالپه‌ره فرێکه
