هاریكاری ل سهر نهخۆشێن ژ وهلاتێ ئیتالیا ڤهگهریاین هاتنه بهلاڤكرن
وهكو پشتهڤانی بۆ نهخۆشێن كو بۆ دهمێ چهند ههیڤان ل وهلاتێ ئیتالیا ماین بۆ چارهسهریێ، رێڤهبهریا گشتی یا ساخلهمیا پارێزگهها دهۆكێ ب هاریكاریا رێكخراوا هیڤی نازدار یا زارۆیان هاریكاریێن دراڤی پێشكێشی وان كرن.
د.بهختیار ئهحمهد، رێڤهبهرێ گشتیێ ساخلهمیا پارێزگهها دهۆكێ ب وهكالهت دیاركر كو ژ بۆ كێمكرنا ئازارێن نهخۆش و كهس و كارێن وان، حكوومهتا ههرێما كوردستانێ بهردهوام دكاری دایه بۆ دابینكرنا چارهسهریێ ل ههر جههكێ ههبیت بۆ وان نهخۆشان و دیسا داكو كارتێكرن ل رهوشا وان یا ئابووری نهبیت هاریكاری بۆ دهێنه دان ل دهمێ ڤهگهریانا وان كو ههر ئێكێ ل دووڤ شێوازێ نهخۆشیا وی و چهنداتیا مانا وی ل دهرڤهی وهلاتی ل بهرچاڤ دهێنه وهرگرتن و ئهڤ هاریكاریه ژی ب پشتهڤانیا كارگێریا پارێزگهها دهۆكێ دهێنه دابینكرن.
محهمهد رهسول، ئێك ژوان نهخۆشان بوو كو بۆ دهمێ سێ سالیا ل وهلاتێ ئیتالیا مای بۆ چارهسهریێ گۆت: پشتی دو نشتهرگهری بۆ من هاتینه كرن و رهوشا ساخلهمیا من بهر ب باشتر چووی من ب گرنگی زانی ڤهگهرمه وهلاتێ خوه، بهلێ ل گهل ڤێ چهندێ پێدڤیه دهم بۆ دهمی قهستا وان بكهم بۆ چارهسهریێ و ئهز ڤێ چهندێ ب تشتهكێ نورمال دزانم، چونكو پشت راستم دێ هاریكاریا من هێته كرن.