خوله‌كا تایبه‌ت ل دۆر جوانكاریا ددانا ل دهۆكێ‌ هاته‌ ڤه‌كرن

 وەزارەتا ساخلەمیا بەغدا ب ھەڤکاری دگەل وەزارەتا ساخلەمیا ھەرێما کوردستانێ و رێڤەبریا گشتی ساخلەمیا پارێزگەھا دھوکێ خولەکا ٣ روژی بو ٦٠ نوشدارێن ددانا ب ئامادوبونا  د.مصلح دهۆكی و   د. نزار عصمت رێڤەبەرێ گشتی ساخلەمیا پارێزگەھا دھوکێ ھەروەسا پیشانگەھەکا ئامیرێن پێشکەڤتی یێن تایبەت ب ساخلەمیا دوڤ و ددانا ھاتە ڤەکرن . 

 د. نزار عصمت  رێڤەبەرێ گشتی ساخلەمیا پارێزگەھا دھوک گوت : ھیڤیدارم ئەڤ جورە بزاڤە پتر لێبھێن و بشێن گرنگیێ ب ساخلەمیا ددانا بێتەدان دھەمی تایبەتمەندیا جوانکاریا ددانا بابەتەکێ تازەیە بەری نوکە خەلکی چ گرنگی پێنەدا لێ نوکە بویە ژ بابەتێن گرنگ و ژلایێ ساخلەمیێ ڤە  ددان رولەکێ گرنگ یێ ھەی و پەیوەندی ب گەلەک نەخوشێن دی و دەروونی ڤە ئەگەر ددان دساخلەم بن لەش یێ ساخلەمە . 

خوشیا کاری ئەوە کو کەس ھەبن پشتەڤان و خوبەخشانە کار بکەن ئەڤ خولە یا جوانکاریا دەڤ و ددانایە ئەوا ھاتیە بەرھەفکرن ژ لایێ پشکا دەڤ و ددانا ل وەزرەاتا ساخلەمیێ ل بەغدا و ب ھەڤکاری دگەل پشکا دەڤ و ددانا ل وەزارەتا ساخلەمیا ھەرێمێ و رێڤەبەریا گشتی یا ساخلەمیا دھوکێ، ئەڤ خولە فێقیێ بەری چەند ھەیڤایە دناڤبەرا ساخلەمیا ھەردو وەزارەتێن ھەرێمێ و ئیراقێ وێ ھەفکاریا ھەیڤا حەفت سالا ٢٠١٣ ل کونگرێ ساخلەمیا دەڤ و ددانا، پشکا ساخلەمیا دەڤ و ددانا ل وەزارەتا ئیراقێ ل دیف بەرنامەیکێ سالانە چەندین خولێن مەشق و رەوشەنبیریێ، دیسان ھەشت خولابو نوشدارێن ددانا دو ژ وان بو خوپارستنا ددانا، دوو بو چارەسەریا دەڤ و ددانا، دو خولێن دی بو دروستکرن و راستڤەکرنا ددانا و ھەردو خولێن دوماھیێ بو ھاریکارێن نوشدارێن دروستکرنا تاقیگەھا ددانا، ئارمانجا مە ژ ڤان جورە خولا ئەو بشێن بباشترین رێک خزمەتێن نەخوشیێن دەڤ و ددانا پێشکێش بکەین، و بەرز کرنا ئاستێ زانستی یێ نوشداریا ددانا بو وان نوشدار و کارمەندێن ل کەتێ ددانا کاردکەن، ببیتە بناغەک بو پێشڤەبرنا ئاستێ ساخلەمیا دەڤ و ددانا ل ھەرێمێ، ماموستایێن ڤێ خولێ نوشدارێن تایبەتمەند د وارێ ساخلەمیا دەڤ و ددانا ژ رێڤەبەریا ساخلەمیا کەرخ و رێافە نە،

د.مصلح دهۆكی : ئەڤرو ئەم بەشدار بین د خولەکا جوانکاریا ددانا ل رێڤەبەریا گشتی یا ساخلەمیا دھوکێ کو ئێک ژ پێنگاڤێن بپێشکەفتیە وەک بسپوریا چاندنا ددانا کو بەری نوکە بتنێ مەگوھلێ دبو لێ ب خوشبەختانە ئەڤروکە ل دھوکێ دھێتە ئەنجامدان و ئەڤ خولە زور یا پێشکەفتیە ژ بەرکو ٨٠ نوشدارێن بسپورێن دەڤ و ددانا بەشداربوینە.