پۆلیس و ساخلەمی ل دوور کێشێن دەزگەھێن ساخلەمیێ کۆمبوون

 ب مەرەما لێکنێزیکبوونا کێشەیێن ساخلەمیێ پۆلیس و ساخلەمی ل دۆر کێشێن وەلاتیان، ھەردو رێڤەبەرێن پولیسان و ساخلەمیێ کومبوون.

عەمید تارق ئەحمەد، رێڤەبەرێ پۆلیسێن دھوکێ دیارکرکو کارێ پۆلیسان دناڤ دەزگەھێن ساخلەمیێ دا پاراستنا دام و دەزگەھێن ساخلەمیێ و نوشدار و کارمەندێن نەخوشخانێ و رێزگرتنا خەلکی یە و گوت: پێدڤیە رێنمايێن نوو ل ساخلەمیێ دەربچن و ئەم پێگیرین ھەموو رێنمایا ١٠٠ % بجهبینین و پێدڤیە خەلک ژی پێگیریێ ب رێنمایێن ساخلەمیێ بکەن رێڤەبەرێ پۆلیسێن دھۆکێ دیارکر ژی ئەو کاردکەن کو پشکەکا تایبەت بۆ پۆلیسێن نەخوشخانان ھەبیت کو راستەوخو گرێدای رێڤەبەریا پولیسان بیت و ل دۆر کێمیا ژمارا پۆلیسان ل نەخوشخانەیا ژی گۆت: ل دەمەکێ نێزیک دێ ژمارا پولیسێن نەخوشخانا ھێنە زێدەکرن.

  د. نزار عصمت ، رێڤەبەرێ گشتی یێ ساخلەمیا پارێزگەھا دھوکێ دیارکر کو نوشدارا گازندە ژ ھاتنا خەلکی بو ناڤ دەزگەھێن ساخلەمیێ ھەنە و خواست کو خولێن تایبەت بو پۆلیسێن نەخوشخانێ ھەبن کو بکێری کارێ نەخوشخانێ ھەبن و گۆت: سەرەدەری دگەل پۆلیسان پێدڤیە وەکو پشکەک بیت ژ پشکێن نەخوشخانێ و ٢٤ دەمژمێرا دخزمەتا پاراستنا نەخوشخانێ دا بن. 

ل دووماھیێ رێڤەبەرێن نەخوشخانا ودەزگەھێن ساخلەمیێ تێبینی و پێشنیارێن خوە ئاراستەی رێڤەبەرو بەرپرسێن پشکا ل رێڤەبەریا پولیسێن دھوكێ کرن و ھەردو لایەن رێککەفتن کو پێدڤیە ھەڤکاریەکا باشتر ھەبیت بو پاراستنا ئێمناھی و ساخلەمیا وەلاتیان.