لیژنە دێ دووڤچۆنا کلینیکێن نوشدار و کارمەندێن ساخلەمیێ کەن

 

ب مەرەما پتر رێکخستنا کارێ دووڤچۆنا نوشدار و کارمەندێن ساخلەمیێ، رێڤەبەریا گشتی یا ساخلەمیا پارێزگەھا دھۆکێ ب ھەڤکاریا سەندیکا نوشدارێن کوردستانێ و سەندیکا کارمەندێن ساخلەمیێ بڕیار دان چار لیژنە بۆ دووڤچۆنا کلینیکێن ئێڤاریان بھێنە پێکئینان.

د.نزار عصمەت، رێڤەبەرێ گشتیێ ساخلەمیا پارێزگەھا دھۆکێ دیارکر کو گەلەک گازندە ل دۆر کلینیکێن نوشدار و کارمەندێن ساخلەمیێ دگەھنە وان وەک نوشدار گەلەک نەخۆشان دبینن و پتر ژ نەخۆشەکی دبەنە ژوور و نھێنیێن نەخۆشان ل بەرچاڤ ناھێنە وەرگرتن و دیسا ل دۆر بھایێ ڤەدیتنا نەخۆشی و ب کارئینانا خزمەتێن کەرتێ گشتی بۆ کەرتێ تایبەت و دیسا ئەنجامدانا ھندەک پیشەکاریێن نەزانستی و دوور ژ ئەتیکێن نوشداری، لەورا وان بڕیار دا میکانیزمەکێ بۆ کونترۆلکرنا ڤان گازندەیان ب ھەڤکاری ل گەل سەندیکا نوشداران و کارمەندێن ساخلەمیێ پێک بینن.