رێكخراوه‌كا ئه‌مریكی دێ پشته‌ڤانیا ساخله‌میا چاڤا و زارۆبوونێ ل دهۆكێ كه‌ت
هاتیه بلاڤکرن روژا سێ شه‌مبێ, 14 کانونا مه‌زن 2014 - 1:32pm
ژ بۆ پشته‌ڤانیا نه‌خۆشخانێن چاڤا و زارۆبوونێ، ژڤانه رێكخراوه‌كا خێرخوازی یا ئه‌مریكی پشته‌ڤانیا ساخله‌میا دهۆكێ بكه‌ت.
رێڤه‌به‌رێ گشتیێ ساخله‌میا پارێزگه‌ها دهۆكێ،د.نزار عصمه‌ت پێشوازی ل شانده‌كێ رێكخراوا LDS یا خێرخوازی یا ئه‌مریكی كر و د كۆمبوونه‌كێ دا ل گه‌ل د.بروس كارلسون و ئالته‌ر بلیمس نوونه‌رێ نوو یێ رێكخراوا ناڤبری ل هه‌رێما كوردستانێ كر.
نوونه‌رێ رێكخراوێ دیاركر كو وان دڤێت ب هه‌ڤكاری ل گه‌ل رێڤه‌به‌ریا گشتی یا ساخله‌میا دهوكێ پشته‌ڤانیا پێشڤه‌برنا ساخله‌میا چاڤا و زارۆبوونێ ل دهۆكێ بكه‌ن و گۆت: هه‌ر پێدڤیه‌كا ژ مه بهێته خواستن دوارێن ناڤبری دا دێ ئاماده‌كه‌ن.
د.نزار عصمت، رێڤه‌به‌رێ گشتیێ ساخله‌میا پارێزگه‌ها دهوكێ داخواز ژ رێكخراوێ كر كو سه‌ره‌رای وی كاری ئه‌و پشته‌ڤانیێ دپێشڤه‌برنا كارێ نه‌خوشخانا ئازادی دا ژی دا بكه‌ن و گۆت: ئه‌م د ئاماده‌ینه بۆ هه‌ر پشته‌ڤانیه‌كێ و ب تایبه‌ت هه‌كه هاریكاری بۆ خزمه‌تكرنا خه‌لكێ كوردستانا رۆژئاڤا ئه‌وێن كو ل هه‌رێما كوردستانێ مێهڤان بووینه.
ئه‌ڤ مالپه‌ره فرێکه
