برێکا ئنترنێتێ دێ چارەسەریا نەخوشێن کوردستانێ کەن
نوژدارێن ئەمریکی دێ برێکا ئنترنێتێ دێ چارەسەریا نەخوشێن کوردستانێ کەن
دوھی ١٩-١ شاندەکێ نوژدارێن ئەمریکی بسەروکاتیا د. غازی زێباری سەرەدانا دهوکێ کر و ئەو بزاڤێ دکەن نوویترین زانستێ ل ئەمریکا هەی بیننە کوردستانێ و دێ بریا ئینترنێتی چارەیا نەخوشێن کوردستانێ کەن
د. نزار عسمت رێڤەبەرێ گشتی یێ ساخلەمیا پارێزگەها دهوکێ لسەر هاتنا شاندێ ناڤبری گوت: شاندەکێ نوژدارێن ئەمریکی بزاڤێ دکەن نوویترین زانستێ ئەمریکی بیننە کوردستانێ ، هاتنا شاندێ ناڤبری یێ تایبەتە (medical symposium) یانکو چارەسەریا ژ دوور ڤە، و گرێدانەك هەبیتن دناڤبەرا مە و ئەمریکا دا ژبو چارەسەرکرنا نەخوشێن دفنێ و دەڤی و گەوریێ ، زێدەتر گوت: هاتنا ڤی شاندی دەستپێکەکە کو بشێین تەکنەلوجیایێ بیینە دناڤ زانستێ نوژداریێ دا
رێڤەبەرێ گشتی یی ساخلەمیا پارێزگەها دهوکێ دیسان گوت: ئەم ئاسانکاریان بو وانا دکەین ژبەرکو ئەڤ نوژدارە نەشێن بەردەوام ل گەل مە بن ژبو چارەسەرکرنا نەخوشێن مە بەلکو دێ برێکا تێکنەلوجیایێ دگەل مەدا بن ژبو چارەسەرکرنا نەخوشیان ،
د، غازی زێباری سەروکێ شاندێ نوژدارێن ئەمریکی گوت: بو جارا ئێکێ یە ئەڤ تێکنەلوجیایە دێ ل کوردستانێ هێتە بکارئینان ، ئەڤە پێنگاڤەکا سەرکەفتیە چونکی دی نوژدارێن کوردستانێ و ئەمریکا پێکڤە هێنە گرێدان
دیسان د، غازی زێباری دا خویاکرن و گوت: ئەو ئامیرە و تشتێن ل کوردستانێ نەبن ئەو دێ شێن ئینن چ ژ ئامیرێن نوخوشێن دلی بن یان هناڤان یان ئامیرێن نیشتەرگێرێن گران ،
دیسان دێ نوژدارێن ئەمریکی برێکا ئینترنێتێ تەماشەیی نەخوشێن کوردستانێ کەن
هەر وەسان دێ پشکنینا ژبو نەخوشی دورست کەین وەك سونەر و ئیکو ، یا دووێ گەر سەنتەرێ گوهێن ناڤین ل کوردستانێ پەیدا بو ب تیابتەی ل پارێزگەها دهوکێ دێ بیتە ئێکەمین سەنتەر لسەرانسەری روژهەلاتا ناڤین چونکی تانها چاندنا گوهان نەهاتە کرن ،
د، جون توماس ئێک ژ نوژدارێن شاندێ ناڤبری گوت: ئەو نیشتەرگێرێن ئەم نیشا نوژدارێن کوردستانێ بکەین دێ گەلەک مفا ژێ هێتە وەرگرتن، دیسان ئەم دێ برێکا ئینترنێتێ و تەکنەلوجیا نووی دگەل نوژدارێن کوردستانێ چارەسەریا نەخوشێن کوردستانێ کەین